„სწავლა მოკლული ბავშვების გარეშე დაიწყო“ - პარლამენტიდან 51-ე სკოლის მიმართულებით მსვლელობა გაიმართა

2018-09-17 20:09:35, 1834 ნახვა

საზოგადოება

პარლამენტის შენობიდან 51-ე საჯარო სკოლის მიმართულებით, აქცია-მსვლელობა „სწავლა დღეს დავით სარალიძის გარეშე დაიწყო“ გაიმართა.

მსვლელობაში 30-მდე ადამიანმა მიიღო მონაწილეობა.

მათ სკოლასთან ყვავილები მიიტანეს და დავით სარალიძისა და ლევან დადუნაშვილის ხსოვნის პატივსაცემად, სანთლები დაანთეს.

აღსანიშნავია, რომ ერთ-ერთი მოკლული მოზარდის მამას, ზაზა სარალიძეს მსვლელობაში მონაწილეობა არ მიუღია. ის ამ დრომდე პარლამენტის მიმდებარე ტერიტორიაზე რჩება.

„ჩემი მოთხოვნები უცვლელია. აქ დარჩენას ვაპირებ იქამდე, სანამ ეს მკვლელი ხელისუფლება არ გადადგება. მსვლელობას არ ვუერთდები, რადგან მიმაჩნია, რომ სკოლაში აღარაფერი მესაქმება“, - განაცხადა ზაზა სარალიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები