პარლამენტის შენობასთან ხორავას ქუჩაზე მოკლული ერთ-ერთი მოზარდის მამის, ზაზა სარალიძის და პანკისის სპეცოპერაციის დროს მოკლული თემირლან მაჩალიკაშვილის მამის, მალხაზ მაჩალიკაშვილის აქცია მიმდინარეობს.

როგორც სარალიძემ აქციაზე სიტყვით გამოსვლისას განაცხადა, ის ნანობს, რომ გუშინ სამართალდამცველებთან სიტყვიერი დაპირისპირება მოხდა.

მან სამართალდამცავი ორგანოების წარმომადგენლებს შეურაცხყოფისთვის ბოდიში კიდევ ერთხლე მოუხადა.

„კიდევ ერთხელ მინდა მოვუხადო დიდი ბოდიში სამართალდამცველებს. მე მათ შეურაცხყოფა მივაყენე, თუმცა ვხვდები იმას, რომ ისინი ასრულებდნენ მათი უნამუსო დამკვეთების ბრძანებას. ამიტომ, ვუხდი ბოდიშს. სათქმელი არაფერი მაქვს გარდა იმისა, რომ აქ ვიქნებით იქამდე, სანამ ეს ხელისუფლება არ გადაშენდება“, - განაცხადა ზაზა სარალიძემ.

მოსახლეობას მალხაზ მაჩალიკაშვილმაც მიმართა და მოუწოდა, გარეთ გამოვიდნენ.

„გთხოვთ, სახლში არ გაჩერდეთ, გამოხვიდეთ გარეთ და გვერდით დაგვიდგეთ. ჩვენ უნდა შევეწინააღმდეგოთ ამ უსამართლობას. თუ მე ერთ უბრალო პანკისელი კაცი ვხვდები იმას, რომ ხელისუფლება დამნაშავეა, თქვენ ჭკვიანი და განათლებული ადამიანები ხართ და იგივეს უნდა ხვდებოდეთ. გვჭირდება ისეთი ხელისუფლება, რომელიც ხალხზე იზრუნებს. მეც საქართველოს შვილი ვარ. როცა ადამიანს აქვს მიზანი და ის მიზნისკენ მიისწრაფვის, აუცილებლად მიაღწევს საწადელს. მინდა პოლიციელებს ბოდიში მოვუხადო. არ ვიცი შეგაგინეთ გუშინ თუ არა, მაგრამ ბოდიშს ვიხდი“, - განაცხადა მაჩალიკაშვილმა.

ამასთან, აქციის ორგანიზატორები მოსახლეობას მოუწოდებენ, გარეთ გამოვიდნენ და შვილმოკლულ მამებს გვერდში დაუდგნენ.

ერთ-ერთმა ორგანიზატორმა სარალიძის და მაჩალიკაშვილის მხარდამჭერებს მოუწოდა, თუ აქციაზე მისვლას ვერ ახერხებენ, მხარდაჭერა Facebook-ში გამოხატონ ჰეშთეგებით - #მამები #სიმართლისთვის.

ადგილზე ამ დროისთვის რამდენიმე ათეული ადამიანი იმყოფება. მობილიზებულია საპატრულო პოლიცია და სასწრაფო სამედიცინო დახმარების ეკიპაჟი.

ავტორი: ,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური