გარემოს დაცვისა და სოფლის მეურნეობის მინისტრი ლევან დავითაშვილი, ბრიუსელში, ვიზიტით იმყოფებოდა, სადაც მაღალი დონის კონფერენციაში - „ცხოველთა ტრანსსასაზღვრო დაავადებები ევროპაში“ (Transboundary animal diseases in Europe) მიიღო მონაწილეობა. 

კონფერენციაზე   ცხოველთა ტრანსსასაზღვრო დაავადებებთან დაკავშირებით რეგიონალური პოლიტიკა იქნა განხილული. ყურადღება გამახვილდა კოორდინირებული მოქმედებების მნიშვნელობაზე, ისეთ ტრანსსასაზღვრო დაავადებებთან, როგორიც არის: ღორის ჭირი, ფრინველთა გრიპი, ნოდულარული დერმატიტი, ცოფი და სხვა.

კონფერენციის ფარგლებში მინისტრმა ლევან დავითაშვილმა შეხვედრა გამართა ევროკომისარ ვიტენის ანდ რიუკატისთან, რომელიც ევროკავშირში სანიტარიულ და ფიტოსანიტარიულ მიმართულებებზეა პასუხისმგებელი. საუბრის ერთ-ერთი ძირითადი საკითხი ტრანსსასაზღვრო დაავადებების წინააღმდეგ ბრძოლაში თანამშრომლობისა და კოორდინირებული მოქმედებების აუცილებლობა იყო. როგორც მინისტრმა ლევან დავითაშვილმა შეხვედრაზე აღნიშნა, საქართველო მზად არის ამ მიმართულებით აქტიურად ითანამშრომლოს როგორც ევროკავშირთან, ისე სხვა ქვეყნებთან. თავის მხრივ, ევროკომისარმა საქართველოს მიმართ გამოხატა სრული მხარდაჭერა მიმდინარე და სამომავლო აქტივობების განხორციელების პროცესში.

(NS)

ავტორი: ,

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ