„ყველა ფორმატში სადაც არის შესაძლებელი, რუსეთი უნდა იქნეს დასჯილი საერთაშორისო თანამეგობრობის მიერ და ეს არის ერთ-ერთი სწორი გზა“, - ამის შესახებ „ნაციონალური მოძრაობის“ ერთ-ერთმა ლიდერმა, რომან გოცირიძემ განაცხადა.

დეპუტატის თქმით, სტრასბურგში, რუსეთის წინააღმდეგ სამართლებრივი სარჩელი, ადრეც უნდა გაგზავნილიყო.

„რუსეთი უნდა შევავიწროვოთ ყოველმხრივ, ეს იქნება სამართლებრივი კუთხით, თუნდაც მსგავსი სარჩელები, რაც ადრეც შეიძლება გაკეთებულიყო. ფაქტობრივად გამოაფხიზლა ხელისუფლება იმ პროცესმა, რაც მოხდა ტატუნაშვილთან დაკავშირებით, მისი ვერაგული მკვლელობის სახით, თუმცა მცოცავი ოკუპაცია დიდი ხანია მიმდინარეობს და უამრავი დარღვევა და ძალადობის ფაქტები ხდებოდა ადმინისტრაციული საზღვრის ზოლში. ყველა ფორმატში სადაც არის შესაძლებელი, რუსეთი უნდა იქნეს დასჯილი თანამეგობრობის მიერ და ეს არის ერთ-ერთი სწორი გზა“, - აღნიშნა რომან გოცირიძემ.

ცნობისთვის, საქართველოს იუსტიციის სამინისტრომ, სტრასბურგის სასამართლოში რუსეთის ფედერაციის წინააღმდეგ საქართველოს სახელით ახალი სახელმწიფოთაშორისი საჩივარი - „საქართველო რუსეთის ფედერაციის წინააღმდეგ“ შეიტანა. საჩივარი ეხება რუსეთის მიერ საქართველოს ოკუპირებულ ტერიტორიებზე და საოკუპაციო ხაზის გასწვრივ საქართველოს მოსახლეობის მასობრივი შევიწროების, დაკავებების, თავდასხმებისა და მკვლელობების ადმინისტრაციულ პრაქტიკას, რომელიც იუსტიციის სამინისტროს ინფორმაციით, განსაკუთრებით გაძლიერდა 2008 წლის ომის შემდეგ და კრიტიკულ ზღვარს მიაღწია მიმდინარე წლის თებერვალში არჩილ ტატუნაშვილის წამებისა და მკვლელობის დროს.

ავტორი: ,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა