„დაბოლილი ადამიანები ვერ შეძლებენ მამობას და დედობას“ - ბათუმისა და ლაზეთის ეპარქია აქციას აანონსებს

2018-08-04 16:26:10, 1151 ნახვა

საზოგადოება

ბათუმისა და ლაზეთის ეპარქია საკონსტიტუციო სასამართლოს მიერ მიღებულ გადაწყვეტილებას გააპროტესტებს და სასამართლოსთან აქციას გამართავს, - ამის შესახებეპარქიის განცხადებაშია ნათქვამი.

როგორც განცხადებაშია ნათქვამი, საკონსტიტუციო სასამართლომ ანტი-სახელმწიფოებრივი გადაწყვეტილება მიიღო.

"30 ივლისს საკონსტიტუციო სასამართლომ მიიღო ანტი-სახელმწიფოებრივი გადაწყვეტილება და ჩვენს შვილებს გზა გაუხსნა ჯოჯოხეთისკენ. ეს გადაწყვეტილება ორმაგად გამანადგურებელია ქართველი ერისთვის, რადგან დაბოლილი და ნარკოტიკზე დამოკიდებული ადამიანები ვერ შეძლებენ ქვეყნის მართვას, პედაგოგობას, ექიმობას, და ასე შემდეგ. ასევე "დაბოლილი" ადამიანები ვერ შეძლებენ მამობას და დედობას რაც განაპირობებს ერის დეგრადაციას და განადგურებას! ჩვენ ვერ შევძელით ჩვენი შვილების არიდება კანაფის მოხმარებისგან მაშინ როცა კანონი იყო მკაცრი და მითუმეტეს დღეს, რაოდენ უძლური ვიქნებით ავარიდოთ ჩვენი შვილები ამ საწამლავს! ამიტომ გვმართებს ერთობა, რომ შევძლოთ ჩვენი მომავლის გადარჩენა. მაღალყოვლადუსამღვდელოესის ბათუმისა და ლაზეთის მიტროპოლიტ დიმიტრის ლოცვა კურთხევით ორშაბათს 16:00 საათზე საკონსტიტუსიო სასამართლოს წინ (მ. აბაშიძისა და ზ. გამსახურდიას ქუჩების კვეთა) გაიმართება მშვიდობიანი აქცია, გადავიხდით საჯანმრთელო პარაკლის ჩვენი შვილების კეათილდღეობისათვის და მოვუწოდებთ ხელისუფლებას სასწრაფოდ მიიღოს ზომები ამ პრობლემის გამოსასწორებლად!", - ნათქვამია განცხადებაში.

შეგახსენებთ, რომ 30 ივლისს საკონსტიტუციო სასამართლომ მარიხუანას მოხმარებაზე არსებული ყველა სანქცია გააუქმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები