პარამედიკოსის კურსის მსმენელები სტაჟირებას თსსუ-ს კლინიკის გადაუდებელი მედიცინის დეპარტამენტში გაივლიან

2018-08-03 11:01:56, 952 ნახვა

საზოგადოება

პარამედიკოსის კურსის მსმენელები სტაჟირებას თბილისის სახელმწიფო სამედიცინო უნივერსიტეტის კლინიკის გადაუდებელი მედიცინის დეპარტამენტში გაივლიან.

აღნიშნულთან დაკავშირებით მემორანდუმს ხელი საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, ავთანდილ თალაკვაძემ და თბილისის სახელმწიფო სამედიცინო უნივერსიტეტის რექტორმა, ზურაბ ვადაჭკორიამ მოაწერეს.

შეთანხმების მიხედვით, პარამედიკოსობის კანდიდატები თსსუ-ის კლინიკის ემერჯენსის განყოფილებაში სადღეღამისო მორიგეობებს შეასრულებენ. სტაჟირების შემდეგ, მორიგე ექიმები სტაჟიორის შეფასების სპეციალურ ფორმას შეავსებენ და ცენტრს წარუდგენენ.

პარამედიკოსების მომზადების პროექტი ამიერკავკასიაში პირველად, საგანგებო სიტუაციების კოორდინაციისა და გადაუდებელი დახმარების ცენტრის ორგანიზებით ხორციელდება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები