თბილისის მერიის მხარდაჭერით, საზაფხულო სკოლებში, ბანაკებსა და სალაშქრო ტურებში მონაწილეობის მიზნით, ახალგაზრდების რეგისტრაცია იწყება.

ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე ისაუბრა.

„ამ პროგრამების მიზანია, რომ ახალგაზრდობას მივცეთ შესაძლებლობა საინტერესოდ გაატარონ ზაფხულის პერიოდი. ამიტომ,  ყველა მსურველს ვთავაზობ, ჩაერთონ. ვფიქრობ, საკმაოდ მნიშვნელოვანი და საინტერესო პროექტია ახალგაზრდებისთვის და მომდევნო წლების განმავლობაშიც ვაპირებთ ასეთი პროექტების განხორციელებას“, - განაცხადა კახა კალაძემ.  

თემატურ საზაფხულო სკოლებში,  ბანაკებში  და სალაშქრო ტურებში მონაწილეობა სტუდენტებს და  18 - 29  წლამდე ახალგაზრდებს შეუძლიათ.

თემატური საზაფხულო სკოლები და ბანაკები   ტექნოლოგიების, მეწარმეობის, ინჟინერიის, არქიტექტურის, დიზაინის, მოხალისეობისა და სახელოვნებო მიმართულებით იგეგმება. სალაშქრო ტურები კი  თბილისის გარშემო არსებულ სალაშქრო მარშრუტებზე განხორციელდება, სადაც მონაწილე ახალგაზრდები პროფესიონალი   გიდებისა  და ინსტრუქტორების  მომსახურებით ისარგებლებენ.

საზაფხულო სკოლების და ბანაკების განხორციელების პერიოდია 2018 წლის 20 ივლისი - 15 სექტემბერი, ხოლო ლაშქრობების - 2018  წლის 25 ივლისი -  30 სექტემბერი.

საზაფხულო ახალგაზრდული პროგრამების მიზანია  ხელი  შეუწყოს ახალგაზრდებში ზაფხულის პერიოდის  საინტერესოდ   გატარებასთან ერთად ახალი უნარ-ჩვევების განვითარებას, ცოდნის გაღრმავებას, საგანმანათლებლო, სპორტულ და კულტურულ აქტივობებში მონაწილეობას, ცხოვრების ჯანსაღი წესის პოპულარიზაციას.  საზაფხულო  პროგრამებში  ჯამში  2000-ზე მეტი   ახალგაზრდა მიიღებს მონაწილეობას.

საზაფხულო სკოლების, ბანაკების და ლაშქრობების  შესახებ დეტალური ინფორმაცია, განმახორციელებელი ორგანიზაციები, პროგრამა, ლოკაციები,  ნაკადების  განრიგი  და  ელექტრონული რეგისტრაციის პირობები შეგიძლიათ  იხილოთ  ვებგვერდზე   www.youth.municipal.gov.ge

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს