ჭუბერში სტიქიის სალიკვიდაციო სამუშაოები გრძელდება. სპეცტექნიკამ დღეს სოფლამდე მისასვლელი ახალი შემოვლითი გზა გაჭრა.

როგორც ოკუპირებული ტერიტორიებიდან იძულებით გადაადგილებულ პირთა, განსახლების და ლტოვილთა მინისტრმა სოზარ სუბარმა აღნიშნა, ამ გზით სოფელში მძიმე ტექნიკის შეყვანა გახდება შესაძელებლი.

 „ეს ალტერნატიული გზა, რომლითაც შესაძლებელია სოფელში მძიმე ტექნიკის შეყვანა. კარგად იცით, რომ მარცხენა სანაპიროზე ვერ შეგვყავს ამ წუთში მძიმე ტექნიკა და ეს გზა მოგვცემს საშუალებას, რომ შევიყვანოთ მძიმე ტექნიკა იმისთვის, რომ სასწრაფოდ დავეხმაროთ იმ ოჯახებს, რომელსაც ყველაზე მეტად სჭირდება უჭირთ“, - განუცხადა სუბარმა „რუსთავი 2“-ს.

შეგახსენებთ, 5 ივლისს, უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. საგანგებო სიტუაციების მართვის სამსახურის ინფორმაციით, მდინარის კალაპოტიდან გადმოსვლის გამო დაიტბორა მიმდებარე ტერიტორია. ჩამოწოლილმა მეწყერმა და მოვარდნილმა ღვარცოფმა გამოიწვია სოფლებთან დამაკავშირებელი ხიდების და გზების დაზიანება. წყალმა საცხოვრებელი სახლებიც დატბორა.

ავტორი: ,

სოციალური ქსელები

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად