გლდანის მეექვსე მიკრორაიონში ხვალიდან, პარკის მოწყობის სამუშაოები იწყება, - ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა. 

როგორც თბილისის მერმა  აღნიშნა, გლდანის მეექვსე მიკრორაიონში პარკის მოწყობის პროექტის განხორციელება მისი ერთ-ერთი წინასაარჩევნო დაპირება იყო. 

„გლდანის მეექვსე მიკრორაიონში, საკმაოდ დიდი ტერიტორიაა. საუბარია დაახლოებით, 13 000 კვადრატულ მეტრზე. ჩვენ ამ დაპირებას ვასრულებთ, რადგან ჩვენთვის მნიშვნელოვანია, რასაც ვეუბნებით მოსახლეობას, ის ყველაფერი შესრულდეს. ტენდერი უკვე გამოცხადდა, ხელშეკრულება გაფორმებულია და ხვალ, ამ პროექტის განხორციელებას ვიწყებთ“, - განაცხადა კახა კალაძემ. 

მისივე თქმით, პროექტის ფარგლებში, კალათბურთის მოედანი, ამფითეატრი, ძაღლების სასეირნო სივრცე, სავარჯიშო მოედანი, საბავშვო სათამაშო მოედანი, სარწყავი სისტემა, საველოსიპედე და საფეხმავლო ბილიკები მოეწყობა. ასევე, განთავსდება საპარკე ინფრასტრუქტურა, განხორციელდება არსებული ხიდის რეაბილიტაცია და დამონტაჟდება გარე განათება. 

„რა თქმა უნდა, ეს ტერიტორია გამწვანდება და სხვადასხვა სახეობის ხე-მცენარეები დაირგვება. პროექტი დაახლოებით, ოთხ თვეში დასრულდება და გლდანს ერთ-ერთი ულამაზესი პარკი ექნება“, - აღნიშნა თბილისის მერმა. 

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს