ტურიზმის ეროვნული ადმინისტრაციის ხელმძღვანელის გიორგი ჩოგოვაძის ინფორმაციით, 2018 წლის ივნისში საქართველოში საერთაშორისო მოგზაურთა 727,385 ვიზიტი განხორციელდა.

როგორც ჩოგოვაძემ დღეს გამართულ პრესკონფერენციაზე აღნიშნა, ვიზიტორთა ზრდა წინა წლის ანალოგიურ პერიოდთან შედარებით +13.8%-ია.

მისივე თქმით, ყველაზე მეტი საერთაშორისო ვიზიტორი საქართველოში რუსეთიდან (+27.5%) შემოვიდა, მეორე ადგილზე აზერბაიჯანია (+10%), შემდეგ სომხეთი (-5.5%) და თურქეთი +(14.7%) .

"პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში საერთაშორისო ვიზიტორების ზრდის კუთხით გამოირჩეოდნენ: ნიდერლანდები +73%, ჩეხეთი +72%, გერმანია +63.6%, საფრანგეთი +44.3%, პოლონეთი +36.7,გაერთიანებული სამეფო +32.5%, იტალია +27.2% და სხვა.

განსაკუთრებული ზრდა დაფიქსირდა შემდეგი ქვეყნებიდან: საუდის არაბეთი +955.5%, ქუვეითი +395.8%, კორეის რესპუბლიკა +192.8%, არაბთა გაერთიანებული საამიროები +159.3%, ჩინეთი +92.3%, ბელარუსი +56.9%.

2018 წლის იანვარი-ივნისის თვის მონაცემებით საქართველოში საერთაშორისო მოგზაურთა 3,561,961 ვიზიტი შედგა. ზრდა წინა წლის ანალოგიურ პერიოდთან შედარებით +13.6%-ია", - აცხადებენ ტურიზმის ეროვნულ ადმინისტრაციაში. 

ავტორი: ,

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ