საერთაშორისო სამეცნიერო ფორუმი „საქართველოს დემოკრატიული რესპუბლიკის გახსენება 100 წლის შემდეგ: მოდელი ევროპისთვის?" – „Remembering the Georgian Democratic Republic 100 Years On: A Model for Europe?" დღეს ივანე ჯავახიშვილის სახელობის თბილისის სახელმწიფო უნივერსიტეტში გაიხსნა.

ღონისძიებას იუსტიციის მინისტრის პირველი მოადგილე მიხეილ სარჯველაძე და ეროვნული არქივის გენერალური დირექტორი თეონა იაშვილი დაესწრნენ.

საერთაშორისო ფორუმი, საქართველოს დემოკრატიული რესპუბლიკის დამოუკიდებლობის გამოცხადების ასი წლის იუბილესთან დაკავშირებით, ივანე ჯავახიშვილის სახელობის თბილისის სახელმწიფო უნივერსიტეტის, საქართველოს ეროვნული არქივის, საქართველოს პარლამენტის ეროვნული ბიბლიოთეკის, საქართველოს ეროვნული მუზეუმის, სამხრეთ კავკასიის კვლევის ამერიკული ინსტიტუტის (ARISC) ორგანიზებითა და შოთა რუსთაველის ეროვნული სამეცნიერო ფონდის მხარდაჭერით ტარდება. ფორუმის ფარგლებში 25-26 ივნისს გაიმართება საერთაშორისო სამეცნიერო კონფერენცია, ხოლო 27-30 ივნისს – საერთაშორისო საზაფხულო სკოლა.

კონფერენციაში მონაწილეობენ საქართველოს დემოკრატიული რესპუბლიკისა და რეგიონის წამყვანი ქართველი და უცხოელი პროფესორები და მკვლევარები. მათ შორის: სტივენ ჯონსი (მაუნთ ჰოლიოკის კოლეჯი, აშშ), რიჩარდ ჰოვანესიანი (კალიფორნიის უნივერსიტეტი, აშშ), ვინფრიდ ბაუმგარტი (მაინცის უნივერსიტეტი, ეგრმანია),  რონალდ სუნი (მიჩიგანის უნივერსიტეტი/ბოსტონის უნივერისტეტი, აშშ), შარლოტ ალსტონი (ნირთუმბრიის უნივერსიტეტი, დიდი ბრიტანეთი), შარლ იურევიჩი (აღმოსავლური ცივილიზაციებისა და ენათა ინსტუტუტი – INALCO, საფრანგეთი), ენდრიუ ანდერსენი (კალგარის უნივერსიტეტი, კანადა) ადრიან ბრისკუ – (ჩარლზის უნივერსიტეტი, ჩეხეთი).

საზაფხულო სკოლაში მონაწილეობას მიიღებენ კონკურსის შედეგად შერჩეული 13 ქართველი და 8 უცხოელი სტუდენტი და ახალგაზრდა მკვლევარი მსოფლიოს წამყვანი უნივერსიტეტებიდან.

(NS)

ავტორი: ,

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ