შუახევის მერმა ფრიდონ ფუტკარაძემ ინფრასტრუქტურული ღონისძიებების მიმღები კომისიის წევრებს, მერიის სამსახურებისა და ადმინისტრაციული ერთეულების ხელმძღვანელებს ინფრასტრუქტურული პროექტებზე ყოველდღიური კონტროლი დაავალა, რათა ვადების დაცვით მოხდეს პოროექტებზე არსებული ხარვეზების გამოსწორება და დროული დასრულება.

დღეს მონიტორინგის ფარგლებში მერმა ხელმძღვანელ პირებთან ერთად პირადად დაათვალიერა ფურტიო - ბუთურაული - ნენიის წყალსადენზე მიმდინარე სამუშაოები, რომელიც ჯარიმებით მიმდინარეობს და სამუშაოების მწარმოებლისგან მოისმინა ინფორმაცია პროექტის მიმდინარეობის შესახებ.

ამ დროისათვის ექვს ლოკაციაზე მიმდინარეობს მიწის გრუნტის დამუშავება და ლითონის მილების ჩაწყობა-შედუღებითი სამუშაოები. სამუშაოების წარმოებაში დასაქმებულია 30-ამდე ადამიანი.

ფურტიო-ბუთურაული-ნენიის წყალსადენის მაგისტრალის მშენებლობა ზღვის დონიდან 1260 მ. სიმაღლიდან, ხულოს მუნიციპალიტეტის სოფელ რაქვთიდან ხორციელდება და დასრულებული პროექტით შუახევის მუნიციპალიტეტის სამი სოფლის ფურტიოს, ბუთურაულის, ნენიის მოსახლეობა ისარგებლებს.

სამუშაოებს შპს. ვლადნეფტპროდუქტის წარმომადგენლობა საქართველოში ახორციელებს. პროექტის ღირებულებაა 4 მლნ. 916. 999 ლარია.

პროექტით განხორციელდება წყლის სათავე ნაგებობის მშენებლობა რაქვთაში, სასმელი წყლის გამანაწილებელი აუზის მშენებლობა ნენიაში, ფურტიოში, ბუთურაულში.

კომპანიების წარმომადგენლების ინფორმაციით სამუშაოები გეგმაზომიერად მიმდინარეობს და პროექტები დადგენილ ვადებში დასრულდება.

მერმა მათ მეტი მობილიზაციისკენ მოუწოდა და მონიტორინგისას გამოვლენილი ხარვეზების დროულად აღმოფხვრა დაავალა.

(NS)

ავტორი: ,

სოციალური ქსელები

მეუფე იობი - ნიღბების ჩამოხსნის პროცესი დაიწყო, ვინ ვინ არის გამოჩნდა

საქართველო რუსეთის გვერდის ავლით სატრანსპორტო დერეფანს ავითარებს: ანაკლიის პორტამდე რკინიგზა აშენდება

Bloomberg: აშშ-ის სამხედრო კონტინგენტის შემცირება ევროპაში შესაძლოა მოსალოდნელზე ნაკლები იყოს

49 წლის ასაკში გარდაიცვალა ქართველი პოეტი, მთარგმნელი ლელა სამნიაშვილი