გაერთიანებული ოპოზიციის წარმომადგენლებმა „ლეიბორისტული პარტიის“ ოფისში კვირას დაგეგმილი მიტინგის შესახებ კონსულტაციები გამართეს.

როგორც ისინი აცხადებენ, ეს იქნება მრავალპარტიული მიტინგი, რომელსაც ყველა ოპოზიციური ძალა შეუერთდება, თუმცა ჯერჯერობით გაურკვეველია, რა პოზიცია ექნებათ „ევროპული საქართველოს“ წარმომადგენლებს, ვინაიდან დღევანდელი შეხვედრა პარტიის წევრმა აკაკი ბობოხიძემ გაცილებით ადრე დატოვა, ვიდრე სხვა ოპოზიციური პარტიის წარმომადგენლებმა.

მისი თქმით, მნიშვნელოვანია იცოდნენ, ვინ იქნება ორგანიზატორი მიტინგების და ამის შემდეგ გადაწყვეტს „ევროპული საქართველო“, შეუერთდეს თუ არა ამ ტიპის დემონსტრაციებს.

„როგორც კი გაირკვევა, რომელი პარტიათა გაერთიანება არის ორგანიზატორი, ჩვენ მივიღებთ გადაწყვეტილებას, მასში თანამონაწილეობის შესახებ, თუ ისეთი პარტია იქნება ორგანიზატორი, რომელიც მიუღებელია ჩვენთვის, რა თქმა უნდა, არ დავთანხმდებით, ძალიან მნიშვნელოვნია, მკვეთრად და მკაფიოდ გამოიკვეთოს მიტინგის ორგანიზებაზე პასუხისმგებელი პირი“,- აღნიშნა აკაკი ბობოხიძემ.

მიტინგში მონაწილეობას აპირებს „ნაციონალური მოძრობა“:

„როდესაც ორი შვილმოკლული მამა ცხოვრობს კარავში, რა თქმა უნდა, მათ ჩვენ გვერდში დავუდგებით, გავაგრძელებთ ჩვენი სოლიდარობის გამოხატვას და ასევე არ გამოვრიცხავ იმას რომ კვირამდეც საზოგადოების ნაწილი იყოს მათთან ერთად, ცხადია შემდგომ გადაიზრდება აქციებში, ამ ეტაპზე კი საორგანიზაციო სამუშაოები მიმდინარეობს იმაზე, რომ მაქსიმალური მხარდაჭერა გამოვხატოთ კვირის მასშტაბურ აქციაზე“, - განაცხადა პარტიის წევრმა თინათინ ბოკუჩავამ.

ამასთან, მიტინგის ერთ-ერთი მონაწილე იქნება ლეიბორისტული პარტია.

„შვილმკვდარი მამების ეს ტრაგიკული პრეცედენტი, რეჟიმის სიმახინჯის ერთ-ერთი სერიოზული გამოვლინებააა, მთლიანობაში რეჟიმი დალპა, დამპალ რეჟიმს კი სჭირდება გატანა, თანაც მშვიდობიანი მეთოდებით, ამიტომაც პასუხისმგებლობა ეკისრება ყველა პოლიტიკურ პარტიას და ყველა თანახმა ვართ რომ ჩატარდეს დიდი პოლიტიკური მიტინგი და არავინ უკან არ დავიხევთ“,- განაცხადა "ლეიბორისტული პარტიის" ლიდერმა შალვა ნათელაშვილმა.

პოლიტიკური პარტიები აპირებენ, რომ მალხაზ მაჩალიკაშვილთან და ზაზა სარალიძესთან გამართონ კონსულტაციები. ისინი მოისმენენ პრემიერთან შეხვედრის შემდეგ, რას ფიქრობენ შვილმოკლული მამები და სამომავლო გეგმებზე ამის შემდეგ მიიღებენ გადაწყვეტილებას.

ავტორი: ,

სოციალური ქსელები

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს

„თეგეტა“ და BTU სტრატეგიულ თანამშრომლობას იწყებენ - ბიზნესისა და ტექნოლოგიების უნივერსიტეტში მემორანდუმი გაფორმდა

გვარამიასა და მოსამართლე ნადარაიას შორის სიტყვიერი დაპირისპირება იყო

საკონსტიტუციომ მტკიცებულებების გამოკვლევაზე ოპოზიციის შუამდგომლობა ნაწილობრივ დააკმაყოფილა