„საქართველო, როგორც შავი ზღვის უსაფრთოების არქიტექტურის შემადგენელი ნაწილი, SNGP-ის ინიციატივების განხორციელებით, კიდევ უფრო აძლიერებს საზღვაო უსაფრთხოების შესაძლებლობებს“, - ეს განცხადება საქართველოს თავდაცვის მინისტრმა „ნატო-საქართველოს არსებითი პაკეტი 2018 კონფერენციაზე“ (SNGP) გააკეთა.

თავდაცვის სამინისტროს ინფორმაციით, სიტყვით გამოსვილისას ლევან იზორიამ ხაზგასმით აღნიშნა, რომ შავი ზღვის უსაფრთხოება მნიშვნელოვანია როგორც საქართველოსთვის ასევე ნატოსთვის.

მისივე განმარტებით, რეგიონში ეროვნული მდგრადობის გაძლიერებით საქართველო რეგიონულ უსაფრთხოებასაც აძლიერებს.

„ნატო-საქართველოს არსებითი პაკეტი 2018 კონფერენციაზე“ თავდაცვის მინისტრმა SNGP-ის პროექტს ეროვნული მასშტაბის პრიორიტეტი უწოდა. „პროექტს მხარს უჭერს ნატო, ნატოს მოკავშირე და პარტნიორი ქვეყნები, რომლებიც იღებენ ვალდებულებას გაუზიარონ საქართველოს საკუთარი ცოდნა და გამოცდილება თავდაცვისუნარიოანობის გაძლიერების მიმართულებთ“, - განაცხადა ლევან იზორიამ.

როგორც თავდაცვის უწყების ხელმძღვანელმა განმარტა SNGP -ის მასშტაბური და მრავალმხრივი პროექტი განსაკუთრებით მნიშველოვანია თავდაცვის სფეროში მდგრადი ღონისძიებების განსახორციელებლად. მან საქართველოს სახელით მადლობა გადაუხადა ნატო-საქარათველოს არსებითი პაკეტის განხორციელების პროცესში ჩართულ ყველა სახელმწიფოს. სიტყვით გამოსვლისას თავდაცვის მინისტრმა ნატო-საქართველოს ერთობლივი წვრთნისა და შეფასების ცენტრზეც ისაუბრა.

„ნატო-საქარათველოს არსებითი პაკეტი ხელს უწყობს არამხოლოდ ეროვნული თავდაცვითი შესაძლებლობების გაძლიერებას, არამედ ემსახურება რეგიონული და ს აერთაშორისო უსაფრთხოების ხელშეწყობას. ერთერთი ასეთი მაგალითია ნატო-საქართველოს ერთობლივი წვრთნისა და შეფასების ცენტრი (JTEC). JTEC არის SNGP-ის ერთერთი ინიციატივა, რომელიც მასპინძლობს ეროვნულ და საერთაშორისო სამხედრო სწავლებებს. ეს არის თვალსაჩინო მაგალითი იმისა თუ SNGP-ის პროექტს რამხელა წვლილი შეაქვს ნატოსთან თავსებადობს გაძლიერებისა და თავდაცვისა და უსაფრთხოების სფეროში თანამშრომლობის მიმართულებით“, - განაცხადა ლევან იზორიამ.

(NS)

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით