6 ივნისს პარლამენტის რიგგარეშე პლენარული სხდომის მოწვევის თაობაზე, პარლამენტი საქართველოს პრეზიდენტს მოთხოვნით მიმართავს. განცხადება აღნიშნულთან დაკავშირებით, პარლამენტის თავმჯდომარემ, ირაკლი კობახიძემ დღეს გამართულ ბიუროს სხდომაზე გააკეთა.

„გაცნობებთ, რომ ზეგისთვის ვგეგმავთ რიგგარეშე სხდომის ჩატარებას. ამის თაობაზე მოთხოვნა გაეგზავნება საქართველოს პრეზიდენტს თანდართული დღის წესრიგით. დღის წესრიგში ასახული იქნება ძირითადი საკითხი, ეს არის - დროებითი საგამოძიებო კომისიის შემადგენლობის დამტკიცება და ასევე იქნება სხვა საკითხები, რომლებიც წარმოდგენილია ბიუროს დღის წესრიგში. შესაბამისად, 6 ივნისს გვექნება ერთდღიანი სხდომა, მანამდე ხვალ დაგვჭირდება ბიუროს სხდომაზე კიდევ ერთხელ შეკრება, იმისთვის რომ კომიტეტის გადაწყვეტილების შესაბამისად, კვოტების შესაბამისად, უკვე ჩამოვყალიბდეთ დროებით საგამოძიებო კომისიის შემადგენლობაზე", - განაცხადა ირაკლი კობახიძემ.

ბიუროს სხდომაზე, რიგგარეშე და მომდევნო სასესიო კვირის, პლენარული სხდომების დღის წესრიგის საკითხები განსაზღვრეს. როგორც სხდომაზე აღინიშნა, რიგგარეშე სხდომაზე უკვე განხილული საკითხების კენჭისყრა გაიმართება, რომელთა რაოდენობა 57 საკითხს შეადგენს. ბიუროს წევრები ახალ საკანონმდებლო ინიციატივებსაც გაეცნენ და წამყვანი და სავალდებულო კომიტეტები განსაზღვრეს.

პარლამენტს, ბიუროს დღევანდელ სხდომაზე, რეგლამენტის ახალი პროექტი წარედგინა.

„თვეების განმავლობაში ვმუშაობდით ახალ რეგლამენტზე, ეს პირველ რიგში გამომდინარეობს კონსტიტუციის ცვლილებებიდან, ვინაიდან კონსტიტუციური ცვლილებები პარლამენტთან დაკავშირებით, გარკვეულ მნიშვნელოვან სიახლეებს გვთავაზობს. ბუნებრივია ეს ყველაფერი უნდა ითარგმნოს კანონმდებლობაში, მაგრამ ახალ რეგლამენტზე მუშაობის პროცესში ამის მიღმაც წავედით და ძალიან ბევრი რამ, რაც პარლამენტის გამართული მუშაობისთვის არის სწორი, ასახულია ამ დოკუმენტში", - აღნიშნა პარლამენტის თავმჯდომარის პირველმა მოადგილემ. თამარ ჩუგოშვილის განცხადებით, რეგლამენტის ახალი პროექტი ყველა კომიტეტს ეხება და თუ ბიურო ჩათვლის საჭიროდ, შესაძლებელია სავალდებულო წესით ყველა კომიტეტმა განიხილოს.

„ახალი რეგლამენტის ინიცირებასთან დაკავშირებთ უმრავლესობის შიგნით ფრაქციის ხელმძღვანელებთან ვიმსჯელეთ და მათი მხრიდან პრინციპული თანხმობა არსებობს რეგლამენტის მნიშვნელოვან სიახლეებთან და პრინციპებთან დაკავშირებით. მეც ვთვლი, რომ როგორც საკანონმდებლო თვალსაზრისით, ასევე პარლამენტის მხრიდან ზედამხედველობის თვალსაზრისით, მნიშვნელოვანი ინიციატივები შემოდის. შესაბამისად, უმრავლესობის შიგნით არის მზადყოფნა, რომ აქტიურად მოხდეს განხილვა ამ რეგლამენტის და მივიღოთ მაქსიმალური შედეგი ამ პროცესით", - განაცხადა უმრავლესობის ლიდერმა, არჩილ თალაკვაძემ.

„პარლამენტისთვის კონსტიტუციის შემდეგ რეგლამენტი ყველაზე მნიშვნელოვანი კანონია. ამიტომ, ამ პროცესისადმი ყველას დიდი ინტერესი გააჩნია", - აღნიშნა იურიდიულ საკითხთა კომიტეტის თავმჯდომარემ, ეკა ბესელიამ.

სხდომის დასასრულს, ბიუროს წევრები საორგანიზაციო საკითხებს გაეცნენ. ბიუროს მორიგი სხდომა ხვალ, 5 ივნისს 11.00 საათზე გაიმართება. პარლამენტის რიგგარეშე პლენარული სხდომა კი, 6 ივნისს, 13.00 საათზე დაიწყებს მუშაობას.

ავტორი: ,

სოციალური ქსელები

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს

„თეგეტა“ და BTU სტრატეგიულ თანამშრომლობას იწყებენ - ბიზნესისა და ტექნოლოგიების უნივერსიტეტში მემორანდუმი გაფორმდა

გვარამიასა და მოსამართლე ნადარაიას შორის სიტყვიერი დაპირისპირება იყო

საკონსტიტუციომ მტკიცებულებების გამოკვლევაზე ოპოზიციის შუამდგომლობა ნაწილობრივ დააკმაყოფილა