ხორავას ქუჩაზე მომხდარ დანაშაულთან და ახალგაზრდების მკვლელობის საქმესთან დაკავშირებით "ევროპული საქართველო" პარლამენტის დროებითი საგამოძიებო კომისიის შექმნას მოითხოვს, - ამის შესახებ "ექსპრესნიუსს" პარტიის პრესსამსახურმა აცნობა. 

"ევროპული საქართველოს" წევრის ელენე ხოშტარიას განცხადებით, როდესაც გარდაცვლილთა ოჯახის წევრებს გამოძიებასთან დაკავშირებით კითხვები უჩნდებათ, პარლამენტმა საზედამხედველო ფუნქცია უნდა აიღოს.

"ვხედავთ, რომ სახელმწიფო კი არ იცავს ამ ადამიანებს, არამედ უპირისპირდება. როდესაც ასეთ საზარელ შემთხვევაზე ოჯახის წევრებს და არა მხოლოდ, გამოძიებასთან ძალიან ლეგიტიმური კითხვები და პრეტენზიები უჩნდებათ, ყველაზე სწორი გამოსავალი არის პარლამენტმა აიღოს საზედამხედველო ფუნქცია. ამ ვითარებაში ადეკვატურია, რომ პარლამენტი ჩაერთოს და ჩვენ ვკითხოთ გამოძიებას, თუ რატომ დარჩა ამდენი კითხვა დაზარალებულ ოჯახს. საპარლამენტო საგამოძიებო კომისიებთან დაკავშირებით ძალიან ცუდი პრაქტიკა გვაქვს. ფაქტობრივად არც ერთი არგუმენტი არ არსებობდა, რატომ არ უნდა შექმნილიყო ეს კომისია აფგან მუხთარლის საქმეზე. სამწუხაროდ, პარლამენტის მზაობა, რომ კანონით დადგენილი პროცედურებით ჩაერთოს და ზედამხედველობა განახორციელოს, აქამდე არ ყოფილა. ჩვენი ვალია ეს საკითხი დავაყენოთ, "ქართული ოცნება" დავარწმუნოთ და ცივილიზებული, სწორი გზით წარვმართოთ ეს პროცესი. ჩვენ უნდა დავადგინოთ რა ინტერესი აქვს გამოძიებას, დაზარალებულის ოჯახს რომ უპირისპირდება“, - განაცხადა ელენე ხოშტარიამ.

ავტორი: ,

სოციალური ქსელები

საკონსტიტუციომ მტკიცებულებების გამოკვლევაზე ოპოზიციის შუამდგომლობა ნაწილობრივ დააკმაყოფილა

საქართველოში, სომხეთსა და სერბეთში ივლისიდან სექტემბრამდე 1.13 მილიონი რუსი ჩავიდა – Verstka

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი