სოფლის მეურნეობის სამეცნიერო-კვლევითი ცენტრის დირექტორმა, ლევან  უჯმაჯურიძემ ჩინეთის სახალხო რესპუბლიკაში, გუანდონგის პროვინციაში გამართულ საერთაშორისო ექსპერტთა კონფერენციასა (ქ. დონგუანი)  და გლობალურ ინტელექტუალურ ფორუმში (ქ. შენჭენი) მიიღო მონაწილეობა.

შენჭენში გამართული გლობალური ინტელექტუალური ფორუმის მასშტაბურ საგამოფენო სივრცეში, სოფლის მეურნეობის სამეცნიერო-კვლევით ცენტრის სტენდზე დამთვალიერებელს შესაძლებლობა ჰქონდა საქართველოს აგრარულ სექტორში მიმდინარე სამეცნიერო-კვლევითი მიმართულებით განხორციელებული საერთაშორისო პროექტებისა და სხვა აქტივობების შესახებ ინფორმაციას გასცნობოდა.

დონგუანში გამართულ საერთაშორისო ექსპერტთა კონფერენციაზე ჩინეთის სახალხო რესპუბლიკის პროვინციების - გუანდონგი, სინძიანი, შანდუნი, ჰებეი, ჰუნანი, ნინსია, შანსი, ჯიანგსუ - სამეცნიერო-კვლევით უმაღლეს-სასწავლო და კომერციულ ორგანიზაციებთან სამომავლო თანამშრომლობის მიზნით,  ერთობლივი პროექტების განხორციელებას ჩაეყარა საფუძველი.

აღსანიშნავია, რომ გუანდონგის პროვინცია 100 მილიონზე მეტი მოსახლეობით ჩინეთის სახალხო რესპუბლიკის ერთ-ერთი ძლიერი, განვითარებული ეკონომიკური რეგიონია, სადაც მრეწველობისა და სოფლის მეურნეობის მიმართულებებით ძირითადი აქცენტები ინოვაციური ტექნოლოგიების განვითარებისკენაა მიმართული.

ქართული დელეგაციის ჩინეთის სახალხო რესპუბლიკაში სამუშაო ვიზიტი სოფლის მეურნეობის სამეცნიერო-კვლევით ცენტრისა და ჩინეთის სახალხო რესპუბლიკის უცხოელი ექსპერტების საქმეთა სახელმწიფო ადმინისტრაციას (SAFEA) შორის გაფორმებული ურთიერთთანამშრომლობის მემორანდუმის ფარგლებში განხორციელდა.

(NS)

ავტორი: ,

სოციალური ქსელები

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს

მოსკოვს კვლავ დრონებმა დაარტყეს, დაიბომბა ნოვოროსიისკის პორტიც