ავარიულობის გამო დახურული N109 ბაგა-ბაღის ფუნქციონირება განახლდა. საბავშვო ბაგა-ბაღის  731 აღსაზრდელი  იმავე უბანში მდებარე ალტერნატიულ ფართშია გადაყვანილი.  

თბილისის საბავშვო ბაგა-ბაღების მართვის სააგენტოს, ბაღის ადმინისტრაციისა და კომპანია „დირსის“ წარმომადგენლების ერთობლივი ძალისხმევით, ალტერნატიული ფართის მცირე ინფრასტრუქტურული ცვლილებების შემდეგ, შენობის სამ სართულზე შეტანილია ბაგა-ბაღის ინვენტარი.
 
„დაპირებისამებრ, 23 აპრილიდან N109 საჯარო ბაღმა სრულფასოვნად შეძლო ფუნქციონირების გაგრძელება ალტერნატიულ ფართში. გასულ უქმეებზე შეუსვენებლად ვიმუშავეთ, რათა ბაღს დღეიდან აღსაზრდელები შეუფერხებლად მიეღო. ჯგუფებში დამონტაჟდა ვიდეო-კამერები, მიმდინარეობს უსაფრთხოების ბადეების მონტაჟიც, რათა მაქსიმალურად იყოს დაცული ბავშვთა უსაფრთხოება და უზრუნველყოფილი იყოს კეთილმოწყობილი გარემო. მნიშვნელოვანია, რომ არსებული მდგომარეობა მისაღებია როგორც ბავშვებისათვის, ისე მათი მშობლებისათვის,“ - განმარტა ბაგა-ბაღების მართვის სააგენტოს ხელმძღვანელი კახაბერ გვანცელაძემ.

N109 ბაგა-ბაღი გასული საუკუნის 80-იან წლებში აშენდა. მისი ავარიულობის შესახებ დასკვნა სამხარაულის ექსპერტიზის ბიურომ მოამზადა, რომლის საფუძველზე მიღებული გადაწყვეტილების შედეგად, სააღმზრდელო პროცესი დაუყოვნებლივ შეწყდა. 

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს