ისრაელის თავდაცვის უწყება: თუ ირანელები სირიიდან ისრაელის წინააღმდეგ იმოქმედებენ, ასადი პასუხს აგებს

2018-04-11 16:54:45, 1772 ნახვა

საზოგადოება

თუ ირანელები სირიის ტერიტორიიდან ისრაელის წინააღმდეგ იმოქმედებენ, ბაშარ ასადი და მისი რეჟიმი პასუხს აგებს, - ამის შესახებ Jerusalem Post ისრაელის თავდაცვის უწყებაზე დაყრდნობით იუწყება.

მედია საშუალების ინფორმაციით, ისრაელის თავდაცვის უწყების აღნიშნული კომენტარი მას შემდეგ გავრცელდა, რაც ირანის მმართველის აიათოლა ალი ხამენეის უფროსმა მრჩეველმა განაცხადა, რომ სირიაში ისრაელის მიერ სამხედრო აეროდრომის დაბომბვა, უპასუხოდ არ დარჩება.

„ასადის რეჟიმი და თვითონ ასადი რუკიდან გაქრებიან თუ ირანელები შეეცდებიან ისრაელს ან ისრაელის ინტერესებს სირიის ტერიტორიიდან ზიანი მიაყენონ. ირანს ვურჩევთ, არ ჩაერიონ, ვინაიდან ისრაელი მტკიცედ განწყობილია, რომ ეს საკითხი ბოლომდე მიიყვანოს“, - აცხადებენ ისრაელის თავდაცვის უწყებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები