2015-05-21 13:34:16, 771 ნახვა

---

ნანუაშვილი: პროკურატურის ინფორმაციით, წიკლაურის ცემის ფაქტზე დამნაშავეთა იდენტიფიცირება ამ დრომდე ვერ მოხერხდა

სახალხო დამცველის 2014 წლის ანგარიშში საქართველოს პარლამენტის წევრის, ნუგზარ წიკლაურის, ცემის ფაქტიც მოხვდა.

როგორც ნანუაშვილმა ადამიანის უფლებათა დაცვის კომიტეტის სხდომაზე განაცხადა, პროკურატურის ინფორმაციის მიხედვით, წიკლაურის ცემის ფაქტზე ამ დრომდე დამნაშავეთა იდენტიფიცირება ვერ მოხერხდა.

"ცალკე უნდა აღინიშნოს 2014 წლის 31 მარტს საქართველოს პარლამენტის წევრის, ნუგზარ წიკლაურის, ცემის ფაქტზე წარმოებული გამოძიების შესახებ. სახალხო დამცველმა მოუწოდა საგამოძიებო ორგანოებს აღნიშნულ ფაქტზე დროული და ეფექტიანი გამოძიების შესახებ, თუმცა მიუხედავად ჩატარებული საგამოძიებო მოქმედებებისა, დამნაშავე პირთა იდენტიფიცირება საქართველოს მთავარი პროკურატურის მიერ მოწოდებული ინფორმაციის მიხედვით, ამ დრომდე ვერ მოხერხდა",-განაცხადა უჩა ნანუაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი