მინდელის შახტიდან ცხედრების ამოყვანის სამუშაოები ამ დრომდე მიმდინარეობს

2018-04-05 10:43:33, 1249 ნახვა

საზოგადოება

საგანგებო სიტუაციების მართვის სამსახურის მაშველების მიერ, მინდელის შახტის სამთო მაშველებთან ერთად, შემთხვევის ადგილიდან ცხედრების ამოყვანის სამუშაოები მიმდინარეობს.

ადგილზე იმყოფებიან იმერეთის სამხარეო სამაშველო ჯგუფები, ასევე, თბილისის სამაშველო ბაზიდან ტყიბულში გაემგზავრა სამთო მაშველების 14-კაციანი ჯგუფი.

მინდელის შახტში, წინასწარი ინფორმაციით, ე.წ. "სამთო დარტყმა" მოხდა.

ამ დროისთვის არსებული ინფორმაციით, შემთხვევას 6 ადამიანის სიცოცხლე ემსხვერპლა, ხოლო დაშავდა სამი მეშახტე.

მომხდარზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 240-ე მუხლით დაიწყო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები