აშშ - დიპლომატების გაძევებაზე მოსკოვის გადაწყვეტილება, სამომავლო ურთიერთობების გაუარესებაზე მიანიშნებს

2018-03-30 11:42:52, 1961 ნახვა

მსოფლიო

ამერიკელი დიპლომატების გაძევების თაობაზე მოსკოვის გადაწყვეტილება, რუსეთსა და აშშ-ს შორის სამომავლო ურთიერთობების გაუარესების მანიშნებელია, - ამის შესახებ თეთრი სახლის პრესსამსახურში განაცხადეს.

როგორც თეთრ სახლში განმარტეს, მოსკოვის ქმედება მათთვის მოულოდნელი არ იყო.

„რუსეთის ნაბიჯი ამერიკელი დიპლომატების გაძევებასთან დაკავშირებით აშშ-სა და რუსეთს შორის ურთიერთობების გაუარესების მომასწავლებელია. აშშ-სა და ათეულობით ქვეყნის მიერ არადეკლარირებული რუსი ჯაშუშების გაძევება ადეკვატური პასუხი იყო რუსეთის მიერ ბრიტანეთის ტერიტორიაზე განხორციელებულ თავდასხმაზე“, - ნათქვამია განცხადებაში.

შეგახსენებთ, რუსეთის საგარეო საქმეთა მინისტრმა სერგეი ლავროვმა განაცხადა, რომ რუსეთიდან 60 ამერიკელ დიპლომატს გააძევებენ. მისივე განმარტებით, რუსეთის ეს გადაწყვეტილება „სკრიპალის საქმეზე“ აშშ-ის მიერ 60 რუსი დიპლომატის გაძევებამ და სიეტლში რუსეთის საკონსულოს დახურვამ განაპირობა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები