26 მარტს საქართველოს კულტურისა და სპორტის სამინისტროში გაიმართა  სასკოლო სპორტული ოლიმპიადის გამარჯვებული გუნდების გაცილება მსოფლიო ჩემპიონატებზე.

საქართველოს მასშტაბით პირველი ადგილის მფლობელი გოგონათა და ვაჟთა გუნდები მძლეოსნობაში, მიემგზავრებიან საფრანგეთში, მაგიდის ჩოგბურთში წარმატებული მოსწავლეები იასპარეზებენ მალტაზე, ხოლო ბადმინტონში გამარჯვებულები მონაწილეობას მიიღებენ ინდოეთში გამართულ მსოფლიო ჩემპიონატზე. აღნიშნულ სპორტის სახეობებში გამარჯვებული მოსწავლეები თბილისის, ქუთაისის, ახალციხის და ქედის საშუალო სკოლის მოსწავლეები არიან. სიმბოლურად გუნდებს საზეიმო ვითარებაში საქართველოს დროშები გადაეცათ.

აღსანიშნავია, რომ თებერვალში მსოფლიო სასკოლო ჩემპიონატზე უკვე გაემგზავრნენ ხელბურთისა და ფუტსალის გოგონათა და ვაჟთა გუნდები, ამჯერად კი საერთაშორისო სარბიელზე საქართველოს სასკოლო გუნდების მეორე ნაკადი მიემგზავრება.

საქართველოს კულტურისა და სპორტის სამინისტროში გამართულ ღონისძიებაზე, ვითიბი ბანკის მარკეტინგისა და საზოგადოებასთან ურთიერთობის დეპარტამენტის ხელმძღვანელმა  შოთა მაჭავარიანმა აღნიშნა:

ვითიბი ბანკის სოციალური პასუხიმგებლობის უმნიშვნელოვანეს მიმართულებას სწორედ სპორტის და ჯანსაღი ცხოვრების წესის პოპულარიზაცია წარმოადგენს, ამიტომაც მოხარულები ვართ, რომ ჩვენი მხარდაჭერით მოზარდებისთვის ასეთი საჭირო პროექტი ხორციელდება, აღნიშნული მხარდაჭერის მიზანი პირველ რიგში სპორტში ახალგაზრდების მასიური ჩართულობაა რაც, დარწმუნებული ვართ, მომავალში კიდევ უფრო დიდი წარმატების მომატანი გახდება.

(R)

ავტორი: ,

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა