სლოვაკეთში ჟურნალისტის მკვლელობის გამო პრემიერ-მინისტრი რობერტ ფიცო პოსტს ტოვებს, - ამის შესახებ Gordonua იუწყება.

მედია საშუალების ინფორმაციით, თუ ქვეყნის პრეზიდენტი ანდრეი კისკა პრემიერის მოთხოვნას დააკმაყოფილებს, ამ შემთხვევაში ფიცო მზადაა, პოსტი დღესვე დატოვოს.

გამართულ პრესკონფერენციაზე სლოვაკეთის პრემიერმა აღნიშნა, რომ ახალი პრემიერის დასახელების უფლება მის პარტიას უნდა მიეცეს.

"დღეს პრეზიდენტს, ვუთხარი, რომ მზად ვარ თანამდებობა დავტოვო", - განაცხადა პრემიერმა.

ცნობისთვის, პოლიტიკური კრიზისი სლოვაკეთში უკვე ერთი თვეა გრძელდება. მოსახლეობა მთავრობის გადადგომისა და ვადამდელი არჩევნების ჩატარების მოთხოვნით აქციებს მართავს.

შეგახსენებთ, სლოვაკეთში გამომძიებელი ჟურნალისტი, იან კუციაკი და მისი მეგობარი გოგო მოკლეს. სლოვაკეთის პოლიციის ცნობით, მათ ცეცხლსასროლი იარაღიდან ესროლეს, რაც სავარაუდოდ, ჟურნალისტის საქმიანობას უკავშირდება.  

ავტორი: ,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან