თბილისის მერია დედაქალაქის გზებზე არსებული ჭების მოწესრიგებას შეუდგა. საგზაო ინფრასტრუქტურული სამუშაოები მელიქიშვილის გამზირზე დღეს ღამით დაიწყო და მთელი თბილისის მასშტაბით გაგრძელდება.

მიმდინარე სამუშაოებს თბილისის მერის მოადგილე ირაკლი ბენდელიანი ადგილზე გაეცნო. მისი განმარტებით, წლების მანძილზე არსებული პრობლემის მოგვარება მერიამ საკუთარ თავზე აიღო, თუმცა სამუშაო პროცესში სხვადასხვა კომპანია, მათ შორის „ჯორჯიან უოთერ ენდ ფაუერი“ ჩაერთვება.

“დღევანდელ მთავრობის სხდომაზე თბილისის მერისგან მივიღე დავალება ავარიული ჭების მოწესრიგებასთან დაკავშირებით. ხშირია შემთხვევები, როცა გზის საფარი გაკეთებულია, მაგრამ ჭის თავებია დაზიანებული და ქმნის ორმოებს. ეს დიდ დისკომფორტს უქმნის მძღოლებს გადაადგილებისას. დავალების მიღებისთანავე, ჩვენ დავიწყეთ მუშაობა ამ პრობლემის მოსაგვარებლად. ამჯერად სამუშაოები მიმდინარეობს მელიქიშვილის გამზირზე. დავიწყეთ ცენტრალური ქუჩებით, სადაც მთელი დატვირთვით და ინტენსივობით მოძრაობენ ავტომანქანები,”-განაცხადა ირაკლი ბენდელიანმა.

(NS)

ავტორი: ,

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა