აშშ-მ უკრაინისთვის „ჯაველინების“ მიყიდვის შესახებ გადაწყვეტილება მიიღო

2018-03-02 10:56:30, 2294 ნახვა

მსოფლიო

აშშ-ის თავდაცვის დეპარტამენტის თავდაცვისა და უსაფრთხოების სამმართველოს განცხადებით, ადმინისტრაციამ უკრაინისთვის ტანკსაწინააღმდეგო სარაკეტო კომპლექს „ჯაველინების“ მიყიდვის შესახებ გადაწყვეტილება მიიღო.

როგორც უწყების მიერ გავრცელებულ განცხადებაშია ნათქვამი, „ჯაველინის“ 210 რაკეტას, უკრაინა 47 მილიონ დოლარად შეისყიდის.

აშშ-ს თავდაცვის დეპარტამენტში აღნიშნავენ, რომ ამ კომპლექსის უკრაინისათვის მიწოდება უკრაინის უსაფრთხოებას გააძლიერებს.

უკრაინის პრეზიდენტმა პეტრო პოროშენკომ პრესკონფერენციაზე განაცხადა, რომ უკრაინის შეიარაღებული ძალები აშშ-ისგან ანტისნაიპერულ კომპლექსებსაც მიიღებს, რადგან დონბასში ბევრი უკრაინელი სამხედრო სწორედ სნაიპერის იარაღით იღუპება.

„ეს დაგვეხმარება მსხვერპლთა რიცხვის შემცირებაში“, – აღნიშნა პოროშენკომ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები