2018-02-23 20:28:59, 1160 ნახვა

---

თავდაცვის სამინისტრო: აუცილებელია, საერთაშორისო თანამეგობრობის ჩართულობით დადგინდეს, რა ვითარებაში გარდაიცვალა არჩილ ტატუნაშვილი

საქართველოს თავდაცვის სამინისტრო ცხინვალის ოკუპირებულ ტერიტორიაზე, არჩილ ტატუნაშვილის მკვლელობის ფაქტს გამოეხმაურა და მის გარდაცვალებასთან დაკავშირებით, მწუხარება გამოთქვა. 

„საქართველოს თავდაცვის სამინისტრო ღრმა მწუხარებას გამოთქვამს ცხინვალში, დღეს მომხდარი უმძიმესი ფაქტის გამო და სამძიმარს უცხადებს დაღუპული არჩილ ტატუნაშვილის ოჯახის წევრებსა და ახლობლებს.

უმცროსი სერჟანტი არჩილ ტატუნაშვილი საქართველოს შეიარაღებულ ძალებში 2007 წლიდან 2011 წლამდე მსახურობდა.

აუცილებელია საერთაშორისო თანამეგობრობის აქტიური ჩართულობით დადგინდეს, რა ვითარებაში გარდაიცვალა არჩილ ტატუნაშვილი, ასევე დროულად მოხდეს უკანონოდ დაკავებული საქართველოს მოქალაქეების, ლევან ქუტაშვილისა და იოსებ პავლიაშვილის გათავისუფლება“,- ნათქვამია თავდაცვის სამინისტროს მიერ გავრცელებულ განცხადებაში. 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი