ლავროვი: რუსეთისგან საფრთხის არსებობის შესახებ მსოფლიო ლიდერების განცხადებები საღ აზრს მოკლებულია

2018-02-17 15:54:39, 2611 ნახვა

მსოფლიო

რუსეთის საგარეო საქმეთა მინისტრის სერგეი ლავროვის შეფასებით, რუსეთის მხრიდან საფრთხის არსებობის შესახებ მსოფლიო ლიდერების განცხადებები ირაციონალურია.

ამის შესახებ ლავროვმა მიუნხენში მიმდინარე უსაფრთხოების კონფერენციაზე განაცხადა.

როგორც ლავროვმა აღნიშნა, მსგავსი ტიპის ბრალდებები აზრს მოკლებულია და მიუთითებს იმაზე, რომ ქვეყნებს რუსეთის არ ესმით.

"ბოლო ათწლეულების განმავლობაში ევროკავშირმა ვერ შეძლო "ოქროს შუალედის" პოვნა ჩვენს ქვეყანასთან მიმართებაში. 1990-იან წლებში არსებობდა მოსაზრება, რომ რუსეთი დასავლურ აზროვნებაზე და სტანდარტებზე უნდა გადმოებირებინათ. ამ ეტაპზე პოპულარულია ირაციონალური მითი "რუსეთის ყოვლისშემძლე საშიშროების" შესახებ, რის კვალსაც ყველგან ეძებენ - დაწყებული Brexit-ით დამთავრებული კატალონიის რეფერენდუმით. ორივე სტერეოტიპი მხოლოდ შეცდომაა, არის საღ აზრს მოკლებული და მიუთითებს იმაზე, რომ ჩვენი არ ესმით", - განაცხადა სერგეი ლავროვმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები