საქართველოს იუსტიციის მინისტრი თეა წულუკიანი არასამთავრობო ოერგანიზაციების განცხადებაზე საპასუხოდ აღნიშნავს, რომ საქართველოში მეორე დევნის ორგანო-პროკურატურა ვერ შეიქმნება.

წულუკიანის განმარტებით, ეს არც საერთაშორისო ვალდებულებითაა გათვალისწინებული და არც ევროპული სტანდარტია ასეთი:

„პირველი ეხება მათ ტრადიციულ მოთხოვნას, რომ საქართველოში შეიქმნას მეორე დევნის ორგანო, ანუ პროკურატურა, ამაზე პასუხი უარყოფითია.ჩვენ არც რაიმე საერთაშორისო ვალდებულება გვაქვს, არც ევროპული სტანდარტია ასეთი, ამბობენ რა ისინი ამას, ვერ ასახელებენ ვერცერთ ევროპულ ქვეყანას, სადაც არსებობს 2 პროკურატურა. ჩვენს ქვეყანაშიც  ვერ იარსებებს. ეს არ არის არც ჩვენი ნება, არც სწორი, არც გამართლებული და ქვეყნის განვითარებისთვის ეს კარგი არ არის, უფრო მეტიც,  არ არსებობს არც ერთ ევროპულ ქვეყანაში.ჩვენი ევროპული ვალდებულება იყო საგამოძიებო მექანიზმის შექმნა, ეს საგამოძიებო  მექანიზმი იქმნება დამცავი გარანტიებით ინსპექტორის გამომძიებლებისთვის, რომ პროკურორის ნებაზერ არ იყოს ყველაფერი მიტოვებული“,-განაცხადა წულუკიანმა.

დამოუკიდებელი საგამოძიებო მექანიზმის  განხილვად დანაშაულთა წრის გაფართოვებაზე, მინისტრის პასუხი ასეთია:

„ჩვენ რაც გვაქვს საერთაშორისო ვალდებულებით აღებული, იმ დანაშაულებისთვის ვქმნით საგამოძიებო მექანიზმს. ის, რომ ე.წ. ჩადება ყოფილიყო დამოუკიდებელი საგამოძიებო მექანიზმის განხილვადი დანაშაული, არასდროს ყოფილა მოთხოვნა, ეს არის სიახლე და არც საერთაშორისო ვალდებულება ყოფილა. ამიტომ, ჩვენ გვაქვს წამების,  მუქარის მუხლები, არაადამიანური და დამამცირებელი მოპყრობა, ან ძალადობა, რომელიც შეიძლება იყოს ჩადენილი სამართალდამცავი ორგანოს წარმომადგენლის მიერ“,-აღნიშნა  წულუკიანმა.

საქართველოში სახელმწიფო ინსპექტორის სამსახური 2019 წლის 1 იანვრიდან შეიქმნება, რომელიც სამართალდამცველთა მიერ ჩადენილ შესაძლო დანაშაულის, არასათანადო, ან დამამცირებელი მოპყრობის, წამების, წამების მუქარის და გადაცდომების ფაქტებს გამოიძიებს.

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს