ნატო გეგმავს აღმოსავლეთ ფლანგის გაძლიერებას ათასობით დრონის, სენსორისა და თანამგზავრისგან შემდგარი ქსელით, რომლებიც ხელოვნური ინტელექტით არის დაკავშირებული, იუწყება Politico. ალიანსი აღმოსავლეთ ფლანგის შეკავების ინიციატივის (EFDI) ფარგლებში ხელოვნური ინტელექტით აღჭურვილი უპილოტო საფრენი აპარატების გამოყენების შესაძლებლობებს იკვლევს. ქსელი აკონტროლებს საფრთხეებს ნატოს რუსეთთან და ბელარუსთან საზღვრებზე, ჩრდილოეთ ფინეთიდან შავ ზღვამდე.
სისტემა შექმნილია ალიანსის ფარგლებში საზღვრების დარღვევების აღმოსაჩენად და თავდაცვის პირველი ხაზის როლს შეასრულებს. სხვადასხვა წყაროდან მიღებული მონაცემები გაერთიანდება. მაგალითად, თუ დრონი მტერს აღმოაჩენს, ხელოვნური ინტელექტი შეძლებს ინფორმაციის შედარებას თანამგზავრულ სურათებთან, სენსორების მონაცემებთან და რადარის მონაცემებთან და გადასცეს ის ნატოს მოკავშირეებს. შემდეგ მეთაურებს შეეძლებათ რეაგირებისთვის ძალების შერჩევა. ნატო ამ კონცეფციას „მკვლელობის ქსელს“ უწოდებს. ის გულისხმობს მონაცემების პირდაპირ ოპერატორებისთვის გადაცემას, ფრონტის ხაზსა და სარდლობას შორის ხანგრძლივი ორმხრივი მოგზაურობის ნაცვლად. „ადრე ინფორმაცია მრავალი შუამავლის მეშვეობით ვრცელდებოდა. დღეს მას შეუძლია პირდაპირ სენსორიდან სამიზნემდე მიაღწიოს“, - თქვა აშშ-ის არმიის კაპიტანმა რონან სეფტონმა. პლატფორმა ვისბადენში მუშავდება აშშ-ის, კანადის, ლიტვის, პოლონეთის, გერმანიის და სხვა ქვეყნების სამხედრო პერსონალის მონაწილეობით, იტყობინება Bild. ის შექმნილია მოკავშირეთა სარდლობის სისტემების დასაკავშირებლად და მონაცემთა გაცვლის ხელშეწყობისთვის. „ქსელი რეალურ დროში მუშაობს. ჩვენ მაღალი სიჩქარით ვმოძრაობთ“, - თქვა კანადელმა ლეიტენანტ-პოლკოვნიკმა მაიკ მენდიკამ. აშშ-ის არმიის მაიორ ბრაიან ჰობეკის თქმით, თუ რუსეთი თავს დაესხმება ნატოს რომელიმე ქვეყანას, თავდასხმის შესახებ ინფორმაცია ვისბადენში გაიგზავნება და საპასუხო ქმედებები ხუთ წუთში იქნება შესაძლებელი.

აშშ-ის არმიის მაიორი ბენ შიფი ამბობს, რომ სისტემა, ძირითადად, „ფრენის ყველაზე მოსაწყენი ნაწილების“ ავტომატიზირებას ისახავს მიზნად - მაგალითად, დრონის ხანგრძლივი ლივლივი ბრძოლის ველზე სამიზნეების საძებნელად. ვისბადენი ასევე იყენებს 3D ბეჭდვას დრონების შესაქმნელად. შიფის თქმით, ახალი ნაწილების წარმოება და ტესტირება იმავე დღეს შეიძლება. ადრე, შემუშავებას და ტესტირებას შეიძლება თვეები დასჭირდეს. ნატო მიიჩნევს, რომ სისტემა ბრძოლის ველზე ცვლილებებს მტერზე სწრაფად უნდა მოერგოს. პროექტის სწრაფი განხორციელება იგეგმება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს