პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი აზერბაიჯანში ვიზიტით იმყოფება, სადაც სამხრეთის გაზის კორიდორის მრჩეველთა საბჭოს მე-4 მინისტერიალში  მონაწილეობს. მინისტერიალი აზერბაიჯანის პრეზიდენტმა, ილჰამ ალიევმა გახსნა.

ვიზიტის ფარგლებში, საქართველოს პირველი ვიცე-პრემიერი შეხვდა ქვეყნის პრეზიდენტს, ილჰამ ალიევს, სადაც ორ ქვეყანას შორის მიმდინარე მნიშვნელოვანი საკითხები განიხილეს. მინისტერიალის ფარგლებში საქართველოს პირველმა ვიცე-პრემიერმა ასევე ორმხრივი შეხვედრები გამართა თურქეთის ენერგეტიკისა და ბუნებრივი რესურსების მინისტრთან ბერატ ალბარაიქსთან და კომპანია "ბიპის" რეგიონალურ პრეზიდენტთან გარი ჯონსთან. ასევე დაგეგმილია დიმიტრი ქუმსიშვილის შეხვედრები აზერბაიჯანის ეკონომიკის მინისტრთან, შაჰინ მუსტაფაევთან, ამავე ქვეყნის ენერგეტიკის მინისტრთან ფარვიზ შაჰბაზოვთან, ევროკომისიის ვიცე-პრეზიდენტ მაროს შევჩოვიჩთან და აშშ-ის სახელმწიფო დეპარტამენტის სპეციალური დესპანისა და კოორდინატორის მოვალეობის შემსრულებელ სუე საარნიოსთან.

სამხრეთის გაზის კორიდორით“ საქართველოსა და თურქეთის გავლით, ევროპისთვის აზერბაიჯანული გაზის მიწოდება უნდა მოხდეს. გაზსადენი მომავალში დაუკავშირდება ტრანსანატოლიურ (TANAP)  და ტრანსადრიატიკულ (ТАР)  გაზსადენებს, რომლის შედეგადაც შაჰ-დენიზის საბადოდან მოპოვებული გაზი საბოლოოდ ევროპის ბაზარზე შევა. 

(NS)

ავტორი: ,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!