საქართველოს ფინანსთა მინისტრმა, მამუკა ბახტაძემ საერთაშორისო სავალუტო ფონდის შუალედურ მისიასთან, რომელსაც მერსედეს ვერა მარტინი ხელმძღვანელობდა, შემაჯამებელი შეხვედრა გამართა.

სამინისტროს ინფორმაციით, ვიზიტის ფარგლებში, მხარეებმა განიხილეს მიმდინარე ეკონომიკური მდგომარეობა, დადებითად შეფასდა 2017 წლის სახელმწიფო ბიუჯეტის შესრულება.

როგორც შემაჯამებელ შეხვედრაზე აღინიშნა, ქვეყნის ეკონომიკაში პოზიტიური დინამიკაა და 2018 წლის დაგეგმილი საბიუჯეტო პარამეტრები სრულად შეესაბამება საერთაშორისო სავალუტო ფონდის პროგრამის მიზნებს.   

შეხვედრისას, ასევე, ისაუბრეს ეკონომიკური რეფორმების მიმდინარეობაზე და აღინიშნა, რომ ეს რეფორმები მნიშვნელოვანია ეკონომიკური ზრდის პოტენციალის გაძლიერებისთვის.

როგორც ცნობილია, მიმდინარე წლის აპრილში, დაგეგმილია საერთაშორისო სავალუტო ფონდის შემფასებელი მისიის ვიზიტი, რომლის ფარგლებში, განიხილება სსფ-სთან არსებული პროგრამის მიმდინარეობა.

ფინანსთა სამინისტროში გამართულ შეხვედრას ფინანსთა მინისტრის მოადგილეები, სსფ-ის მუდმივი წარმომადგენელი საქართველოში ფრანსუა პეშო.

(NS)

ავტორი: ,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!