„ჩვენ გვაქვს მნიშვნელოვანი წარმატებები, რითაც მკაფიოდ და კონკრეტულად შემიძლია ვთქვა, რომ ვაკმაყოფილებთ ნატოს სტანდარტებს“, - ამის შესახებ საქართველოს თავდაცვის მინისტრმა ლევან იზორიამ განაცხადა.

როგორც მან აღნიშნა, უწყებაში ოპტიმიზაცია დაიწყო იმ მიზნით, რომ თანხები უმეტესწილად, შეიარაღებული ძალების თავდაცვისუნარიანობის გასაძლიერებლად ყოფილიყო მიმართული.

„ამ თვალსაზრისით სახელფასო ხარჯების 53% 2018 წლის თავდაცვის ბიუჯეტით მიემართება მხოლოდ ხელფასებსა და სოციალურ დახმარებებზე, რაც არის ნატო-ს სტანდარტი. თუ იყო 2016 წელს ეს 66%, ხაზგასმით აღვნიშნავ, რომ გახდა 53%. გარდა მისა, მეორე მნიშვნელოვანი სტანდარტიც დავაკმაყოფილეთ. კერძოდ, მივმართეთ დიდწილად თანხები შეიარაღებაზე. თქვენ იცით, რომ თავდაცვის ბიუჯეტი უნდა აკმაყოფილებდეს მთლიანი შიდა პროდუქტის 2%-ს, რასაც ვაკმაყოფილებთ და მეტიც, შეიარაღებისთვის ნატო ითხოვს, რომ ამ ბიუჯეტიდან 20% იყოს გათვალისწინებული, რასაც ვაჭარბებთ და ეს არის ისტორიული მოვლენა. ისტორიული მოვლენაა სწორედ ისიც, რომ წელს შევიძინეთ „ჯაველინის“ ტანკსაწინააღმდეგო სისტემები. ასევე წელს ვასრულებთ საფრანგეთთან ანტისაჰაერო სისტემის შეძენას. ეს ყველაფერი კეთდება იმ მიზნით, რომ ჩვენი ქვეყნის თავდაცვისუნარიანობა გაძლიერდეს, ნატო-ს სტანდარტებს დაუახლოვდეს და თითოეულმა მოქალაქემ თავი იგრძნოს დაცულად“, - განაცხადა ლევან იზორიამ.

ცნობისთვის, მინისტრი თავდასცვისა და უშიშროების კომიტეტს განხორციელებული საქმიანობის ანგარიშს და სამომავლო გეგმებს აცნობს.

ავტორი: ,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს