დოდო გუგეშაშვილს ღუდუშაურის კლინიკაში გადაუდებელი ოპერაცია უტარდება

2018-02-07 12:45:56, 1880 ნახვა

საზოგადოება

მხედრიონის ყოფილ წევრს, პოლკოვნიკ დოდო გუგეშაშვილს ღუდუშაურის სახელობის კლინიკაში ოპერაცია უტარდება.

როგორც "ექსპრესნიუსს" კლინიკის საზოგადოებასთან ურთიერთობის სამსახურში განუცხადეს, გუგეშაშვილი საოპერაციო ბლოკში რამდენიმე წუთის წინ შეიყვანეს.

ამასთან, ყოფილი მხედრიონელის ჯანმრთელობის მდგომარეობის შესახებ დეტალებზე კლინიკაში ამ ეტაპზე ვერ საუბრობენ.

ცნობისთვის, მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი.

შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები