„ევროპული საქართველოს“ წევრი სერგო რატიანი მანდატურების სამსახურის რეფორმირებასთან დაკავშირებულ  კანონპროექტს ეხმაურება. მისი თქმით, შემოთავაზებული ინიციატივა  აბრუნებს „ქართული ოცნების“ მიერ 2013 წელს  შეცვლილ კანონს და ამავდროულად, პოლიციის დისკრეციის გაზრდას გულისხმობს.

რატიანის შეფასებით, „5 წლის წინანდელი რეგულაციის გამოსავლად დასახელება, უკან გადადგმული ნაბიჯია, მით უფრო, რომ გულისხმობს პოლიციური რეჟიმის გაძლიერებას“:

„დღეს ხელისუფლებამ დააანონსა სკოლებში უსაფრთხოების მიზნით განსახორციელებელ ღონისძიებათა შორის პირველი აქტივობა - მანდატურის სამსახურის რეფორმირება -  კანონპროექტის შექმნაში შინაგან საქმეთა და განათლების სამინისტროები მონაწილეობდნენ.

როგორც შსს აცხადებს, კანონპროექტის მიხედვით, მანდატურის სამსახური გაცილებით დამოუკიდებელი და მაღალი ლეგიტიმაციის მქონე ხდება. თუმცა ერთმნიშვნელოვნად შეგვიძლია განვაცხადოთ, რომ აღნიშნული ინიციატივა ფაქტობრივად აბრუნებს ქართული ოცნების მიერ 2013 წელს  შეცვლილ კანონს და მეტიც, ამავდროულად, პოლიციის დისკრეციის გაზრდას გულისხმობს.

2013 წლიდან მანდატურის სამსახური მოექცა ორმაგი დაქვემდებარების ქვეშ, რაც დღეს გაკეთებული განცხადებების ფონზე ფაქტობრივი აღიარებაა იმ ფაქტისა, რომ 5 წლის განმავლობაში სკოლაში მოშლილი იყო მოსწავლეების უსაფრთხოების სისტემა და მანდატურის სამსახურის მიზანმიმართული დისკრედიტაცია თავის დროზე დაშვებული შეცდომა გახლდათ, რომელმაც, სამწუხაროდ, აჩვენა კიდეც თავისი შედეგი.

მიგვაჩნია, რომ არსებული, ნოვაციად შემოთავაზებული პრევენცია, ვგულისხმობ 5 წლის წინანდელი რეგულაციის გამოსავლად დასახელებას, უკან გადადგმული ნაბიჯია, მით უფრო, რომ გულისხმობს პოლიციური რეჟიმის გაძლიერებას, არ შეიძლება განხილულ იქნას, როგორც გამოსავალი არსებულ რთულ სიტუაციაში. ეს ფაქტი კვლავ ხაზს უსვამს განათლების სამინისტროს უმოქმედობას. ეს არის განათლების რეფორმის შეჩერების დადასტურება ნაცვლად იმისა, რომ განათლების სამინისტრო ზრუნავდეს რეფორმის აქტიურ ფაზაში გადასვლაზე, რაც თავისთავში გულისხმობს კიდეც უსაფრთხო და ჯანსაღი სკოლის პრინციპების დანერგვასა და  განუხრელ დაცვას, შემოთავაზებულია სკოლებში პოლიციური რეჟიმის გაძლიერებისა და ხელშეწყობის მექანიზმების დაკანონება. ერთმნიშვნელოვნად ვაცხადებ, რომ 21-ე საუკუნეში, საერთაშორისო პრაქტიკისა და კვლევების გათვალისწინებით, შეუძლებელია ძალადობრივი მექანიზმები, პოლიცია სკოლაში, განვიხილოთ, როგორც მოზარდებში გაძლიერებული აგრესიის შემაკავებელი ფორმა“,-აღნიშნა სერგო რატიანმა.

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს