რუსეთში მოღვაწე ქართველმა საოპერო მომღერალმა გიორგი თოდუამ ოკუპირებულ აფხაზეთში ქართველი მსმენელისთვის კონცერტი გამართა, - ამის შესახებ Eurasianet იუწყება.

მედია საშუალების ინფორმაციით, კონცერტს დიდი სკანდალი მოჰყვა, მას შემდეგ რაც მომღერალმა აფხაზეთის დე-ფაქტო მთავრობა ღიად გააკრიტიკა.

მედიის ცნობით, აღნიშნული შემთხვევის გამო, 24 ინვარს დაგემიმლი კიდევ ერთი კონცერტი გაუქმდა.

"იმ განცდით მოვდიოდი, რომ ჩემს მშობლირ მიწაზე უნდა ჩავსულიყავი და არა აფხაზეთის რესპუბლიკაში. არავის ვიცნობ აფხაზეთის ე.წ. მთავრობაში და არც მაქვს სურვილი მათ შევხდე", - განაცხადა თოდუამ.

თოდუა თბილისში დაიბადა, თუმცა მთელი ბავშვობა გალში გაატარა. 1992-93 წლების ომის დროს მისი ოჯახის დიდი ნაწილი სანქტ-პეტერბურგში გადავიდა საცხოვრებლად, თუმცა მამამისი გალში დარჩა. ის 2010 წელს გარდაიცვალა. კონცერტი მომღერლის მამის ხსოვნას ეძღვნებოდა.

"როდესაც გალში მივემგზავრებოდი, შემომთავაზეს, რომ კონცერტი სოხუმშიც ჩამეტარებინა, მაგრამ უარი ვთქვი. ზოგადად, პოლიტიკა არ არის ჩემი საქმე, მაგრამ სოხუმში კონცერტს მაშინ ჩავატარებ, როცა ღირსეულად შევძლებ იქ ჩასვლას. მინდა, რომ ჩემს სახლში ისე ვიარო, როგორც დანარჩენ საქართველოში", - განაცხადა ბარიტონმა Livepress-თან ინტერვიუში.

მომხდარს გალის დე-ფაქტო ადმინისტრაციის ხელმძღვანელი თემურ ნადარაია გამოეხმაურა. მისი შეფასებით, ბარიტონმა აფხაზეთში მიმავალი ყველა გზა თავად გადაკეტა. ამასთან, ნადარაიამ აფხაზეთის ე.წ. საგარეო საქმეთა სამინისტროს სთხოვა, მარინის თეატრში, სადაც ქართველი მომღერალი მოღვაწეობს, საპროტესტო წერილი გაგზავნოს.

ავტორი: ,

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში