„ვისოლ ჯგუფის“ პრეზიდენტი/ბიზნესასოციაციის ვიცე-პრეზიდენტი სოსო ფხაკაძე პრემიერ-მინისტრთან და მთავრობის წარმომადგენლებთან გამართულ შეხვედრას პოზიტიურად აფასებს.

როგორც მან ჟურნალისტებს განუცხადა, პრემიერს მიაწოდეს ინფორმაცია ყველა იმ პრობლემურ საკითხზე, რომელიც კერძო სექტორს აწუხებს, ასევე ისაუბრეს იმ დადებით მხარეებზეც, რომელიც ქვეყანაში ბოლო წლების განმავლობაში გამოიკვეთა.

სოსო ფხაკაძე ამბობს, რომ პრემიერ-მინისტრისგან არის მზაობა, აღნიშნული გამოწვევები გადაიჭრას.

„მიხარია, რომ ქვეყნის პრემიერ-მინისტრმა მოიწონა პრეზენტაცია და სურვილი გამოთქვა, მომავალ წელსაც ასეთი პრეზენტაცია გავაკეთოთ. ეს იქნება ერთ-ერთი დოკუმენტი, რომელიც ხელს შეუწყობს ჩვენს შორის კომუნიკაციის გააქტიურებას. საბოლოო ჯამში, ეს ბიზნესისა და ეკონომიკის განვითარებისთვის იქნება მნიშვნელოვანი. ვისაუბრეთ განხორციელებულ რეფორმებზე, ევროკავშირთან თავისუფალი ვაჭრობის ხელმოწერაზე, ჩინეთთან თავისუფალი ვაჭრობის შესახებ ხელმოწერის დასრულებაზე. წლის ბოლოს მოხდა საპენსიო რეფორმის ინიცირება, ჩაითვალა, რომ ეს მნიშვნელოვანი რეფორმა იქნება. ასევე იყო საუბარი ქვეყანაში არსებულ გამოწვევებზე. კარგია, რომ არის მზაობა პრემიერის და ხელისუფლებისგან, რომ ამ გამოწვევებს უყურებენ ობიექტურად. ერთად უნდა ვიმუშაოთ, რათა კარგი მომავალი შეიქმნას“, - განაცხადა სოსო ფხაკაძემ და დასძინა, რომ პრობლემები ძირითადად ეროვნულ ვალუტას და საკანონმდებლო სისტემის უფრო მეტ სტაბილურობას უკავშირდება.

ავტორი: ,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა