თბილისის მერის ყოფილი მოადგილე ირაკლი ლექვინაძე მეტროსადგურ „ვარკეთილში“ ჭერის კონსტრუქციის ჩამონგრევის ფაქტს გამოეხმაურა.

მისი თქმით, აღნიშნულთან დაკავშირებით გამოძიება მიმდინარეობს და ამ საკითხზე წინასწარი კომენტარის გაკეთება მიზანშეწონილი არ არის.

„სამწუხარო ფაქტია, რაც მოხდა. მიმდინარეობს საგამოძიებო სამუშაოები. წინასწარ ამ საკითხზე რაიმე კომენტარის გაკეთებას მოვერიდები. ჩვენ უნდა ვენდოთ შესაბამისი კომპეტენტური უწყებების გამოძიების შედეგს და ის იტყვის, სად იყო შეცდომა - ეს იყო სამუშაოების წარმოებისას, ექსპლუატაციაში მიღებისას, ზედამხედველობის კომპონენტში, თუ რა ნაწილში“, - განაცხადა ირაკლი ლექვინაძემ.

შეგახსენებთ, გუშინ, დაახლოებით 10:30 საათზე მეტროსადგურ „ვარკეთილის“ ქვედა ვესტიბულში დაკიდული ჭერის კონსტრუქცია ჩამოვარდა. ინციდენტის შედეგად 14 ადამიანი დაშავდა.

შინაგან საქმეთა სამინისტრომ მომხდარზე გამოძიება სსკ-ის 240-ე მუხლით მიმდინარეობს (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს