დღის მეორე ნახევრიდან საქართველოში ამინდი გაუარესდება

2018-01-18 12:55:52, 2073 ნახვა

საზოგადოება

დღეიდან 20 იანვრის დღის პირველ ნახევრამდე, საქართველოს ტერიტორიაზე ამინდი გაუარესდება.

გარემოს ეროვნული სააგეტოს ინფორმაციით, 18 იანვარს დღის მეორე ნახევრიდან 20 იანვრის დღის პირველ ნახევრამე, საქართველოს ტერიტორიაზე, შავი ზღვის ჩრდილო-დასავლეთიდან შედარებით ცივი და ნოტიო ჰაერის მასების გავრცელების გამო მოსალოდნელია წვიმა, მთაში და მაღალმთაში თოვლი, ზოგან ძლიერი, დროგამოშვებით ძლიერი ქარი, მაღალმთიან ზონაში ქარბუქი, ზღვაზე 4–6 ბალიანი შტორმი.

სააგენტოს ცნობით, ძლიერმა ნალექებმა შესაძლებელია პატარა მდინარეებზე წყლის დონეების მატება, მთიან ზონებში თოვლის ზვავების ფორმირება და მეწყრულ-ღვარცოფული პროცესების ჩასახვა-გააქტიურება გამოიწვიოს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები