მერიის კულტურის, განათლების, სპორტისა და ახალგაზრდულ საქმეთა საქალაქო სამსახურები ერთიანდება

2018-01-15 12:45:15, 1918 ნახვა

საზოგადოება

თბილისის მერიაში კულტურის, განათლების, სპორტისა და ახალგაზრდულ საქმეთა მიმართულებები ორის ნაცვლად ერთ საქალაქო სამსახურში გაერთიანდება.

ამის შესახებ მერიის სტრუქტურული რეფორმის პრეზენტაციაზე გახდა ცნობილი.

ამ მიზნით კულტურის საქალაქო სამსახურისა და განათლების, სპორტისა და ახალგაზრდულ საქმეთა საქალაქო სამსახურის შერწყმა და ახალ სტრუქტურულ ერთეულად ჩამოყალიბება მოხდება.

თბილისის მერმა კახა კალაძემ და ვიცე-მერმა ირაკლი ხმალაძემ, დღეს, მერიის სტრუქტურული რეფორმა წარადგინეს, რომელიც რვა მიმართულებისგან შედგება.

რეფორმის მიზანი მუნიციპალიტეტის პოლიტიკის ეფექტურად აღსრულება, ბიუროკრატიული პროცესების გამარტივება და მოქალაქეთა მომსახურების ხარისხის გაუმჯობესებაა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები