რუსეთის პატრიარქის, კირილეს მილოცვაში, რომელიც მან გუშინ საქართველოს პატრიარქის ილია მეორის დაბადების დღესთან დაკავშირებით გაავრცელა, უწმინდესი სრული ტიტულით არ არის მოხსენიებული.

ჩამონათვალიდან ბიჭვინთისა და ცხუმ აფხაზეთის მიტროპოლიტია ამოღებული და ილია მეორე მხოლოდ საქართველოს კათოლიკოს პატრიარქად არის მოხსენიებული.

აღსანიშნავია, რომ ასეთივე შინაარსის წერილი რუსეთის პატრიარქმა ილია მეორეს აღსაყდრების 40 წლის თავზეც გამოუგზავნა.

დაბადების დღის მილოცვის შესაბამისი განცხადება რუსეთის საპატრიარქოს ვებ-გვერდზეა გამოქვეყნებული.

"თქვენო უწმინდესობავ, გულითადად გილოცავთ ამ მნიშვნელოვან თარიღს - 85 წლის იუბილეს. ხანგრძლივი მსახურების განმავლობაში თქვენ თავდაუზოგავათ ზრუნავდით ერთიანობაზე, ასევე მოუწოდებდით მრევლს სიწმინდეში ეცხოვრათ. ამ დამღალავი შრომით დაიმსახურეთ უდიდესი პატივისცემა და ავტორიტეტი მართლმადიდებლურ სამყაროში", - ნათქვამია წერილში.

ავტორი: ,

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა