გაერო-ში აშშ-ის მუდმივი წარმომადგენელი ნიკი ჰეილი ირანში განვითარებულ მოვლენებს გამოეხმაურა.

როგორც მან აღნიშნა, ირანში სირიის სცენარის განვითარების საშიშროება არსებობს.

"მთელმა მსოფლიომ ნახა ის საშინელება, რაც სირიაში ხდება. ეს ყველაფერი იმით დაიწყო, რომ სისხლიანი რეჟიმი ხალხის მშვიდობიანი პროტესტის უფლებას არ აღიარებდა. ჩვენ არ უნდა დავუშვათ, რომ ეს ირანშიც განმეორდეს", - ნათქვამია ჰეილის განცხადებაში.

მისივე თქმით, ირანში მიმდინარე მოვლენები ირანელი ხალხის ფუნდამენტური უფლებების საკითხს ეხება.

შეგახსენებთ, რომ დღეს აშშ-ის ინიციატივით ირანის საკითხზე გაერო-ს უშიშროების საბჭოს სხდომა გაიმართება.

ირანში ბოლო 8 წლის განმავლობაში ყველაზე მასშტაბური საპროტესტო აქციები მიმდინარეობს. აქციების ტალღა ერთ-ერთ ქალაქში პროდუქტების გაძვირების გამო დაიწყო, რამდენიმე დღეში კი, მთელ ქვეყანას მოედო და პოლიტიკურ მოთხოვნებში გადაიზარდა. შეტაკებებს 20-ზე მეტი ადამიანი ემსხვერპლა.

ავტორი: ,

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა