კულტურისა და ძეგლთა დაცვის მინისტრი მიხეილ გიორგაძე პოეტ ზვიად რატიანის ცემის ფაქტს გამოეხმაურა.

როგორც გიორგაძემ აღნიშნა, ძალის გადამეტების გამოვლენის შემთხვევაში, ყველა დამნაშავე უნდა დაისაჯოს.

"მოხარული ვარ, რომ ჯანმრთელობის მხრივ ბატონ ზვიადს მძიმე დაზიანება არ მიუღია. რა თქმა უნდა ძალიან სამწუხარო ფაქტია, მნიშვნელობა არ აქვს საუბარი იქნება პოეტზე მუსიკოსზე თუ რომელიმე სხვა სფეროს წარმომადგენელზე. მთავარია, რომ მოკლევამ კონკრეტული, დროული და გამჭვირვალე პასუხი მისცეს, გასცეს, რომ სხვა კითხვის ნიშნები ამ საკითხთან დაკავშირებით არ დარჩეს", - განაცხადა მინისტრმა.

შეგახსენებთ, რომ ზვიად რატიანი საპოლიციო კონტროლისას დააკავეს. რატიანი ამბობს, რომ სამართალდამცველებმა დაკავებისას უფლებამოსილებას გადააჭარბებს. ის პოლიციელებს ფიზიკურ შეურაცხყოფაში ადანაშაულებს. თბილისის პროკურატურის საგამოძიებო ნაწილში დაიწყო გამოძიება საქართველოს შინაგან საქმეთა სამინისტროს ცალკეული თანამშრომლების მხრიდან მოქალაქე ზვიად რატიანის მიმართ სამსახურებრივი უფლებამოსილების შესაძლო ძალადობით გადამეტების ფაქტზე.

შს მინისტრის მოადგილე  ნათია მეზვრიშვილმა გუშინ განაცხადა, რომ ზვიად რატიანი იყო ნასვამ მდგომარეობაში, ვერ აკონტროლებდა ქცევას და ლექსიკას, იქცეოდა აგრესიულად, წინააღმდეგობას უწევდა და შეურაცხყოფას აყენებდა სამართალდამცველებს, რითაც მათ არ აძლევდა სამსახურებრივი მოვალეობის შესრულების შესაძლებლობას.

ავტორი: ,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს