2017-12-21 18:31:52, 2632 ნახვა
მსოფლიო
ერაყის ქურთისტანში 350 პატიმარი გაუჩინარდა
ერაყის ქურთისტანში, ქალაქ კირკუკში 350 პატიმარი გაუჩინარდა. დაკარგულ პატიმრებს შორის უმეტესად სუნიტები არიან.
ინფორმაციას Human Rights Watch-ი ავრცელებს.
ორგანიზაციის წარმომადგენლების ცნობით, მას შემდეგ რაც ერაყმა კირკუკი დაიბრუნა, პატიმრების კვალს ვეღარსად მიაგნეს.
არსებული ინფორმაციით, შვიდმა ადგილობრივმა მცხოვრებელმა აქცია გამართა, სადაც მთავარი მოთხოვნა მათი დაკავებული ახლობლების შესახებ ინფორმაციის მიღება იყო.
შეგახსენებთ, 25 სექტემბერს ერაყელმა ქურთებმა რეფერენდუმზე დამოუკიდებლობას მისცეს ხმა. ამ ფაქტის გამო ერაყის პარლამენტმა ქვეყნის პრემიერს ქურთების მიერ კონტროლირებად პროვინციაში არმიის შეყვანა მოსთხოვა. ოქტომბერში ერაყის სპეცრაზმმა ქალაქ კირკუკზე კონტროლი დაამყარა.
![]()
ავტორი: ,
epn.ge (@expressnews.ge)
