საქართველოს პრემიერ-მინისტრობის კანდიდატის გიორგი კვირიკაშვილის განცხადებით, არსებული ფორმატები უნდა გააქტიურონ და შემოიტანონ ის ინსტრუმენტები, რომელიც საშუალებას მისცემთ, ოკუპირებულ ტერიტორიებზე მცხოვრები  მოსახლეობის ინტერესები დაიცვან და უფრო მეტი ინსტრუმენტები დანერგონ.

 „რათა მივიღოთ მეტი ჩართულობა და გადავდგათ ნაბიჯები, რომ აღვადგინოთ დაკარგული ნდობა. ეს არ არის მარტივი,ეს შეიცავს რთულ ნაბიჯებს,  ხშირად ეს ნაბიჯები შეიძლება არ იყოს პოპულარული, მოწონებული, მაგრამ დიალოგით ჩვენ უნდა შევძლოთ, რომ მივიღოთ კონსესუსი, რათა გადავდგათ ნაბიჯები და ჩამოვყალიბდეთ, რა ტიპის ქვეყანაში უნდა ვიცხოვროთ და სად და რა მოდელით მოვძებნოთ ერთობა, რა თქმა უნდა, ტერიტორიული მთლიანობის გათვალისწინებით, რომ მივცეთ საშუალება ჩვენს აფხაზ და ოს ძმებს,  რომ მათი ინტერესებიც დაკმაყოფილდეს“,-აღნიშნა კვირიკაშვილმა და დასძინა, რომ ქეთევან ციხელაშვილი პარლამენტს წარუდგენს კანონპროექტს, რომელიც საშუალებას მისცემთ, ოკუპირებულ ტერიტორიებზე მცხოვრებთან ნდობის აღდგენის პროცესი დაიწყონ:

„უახლოეს დღეებში ქეთევან ციხელაშვილი წარმოდგება ძალიან სერიოზული პაკეტით,  რომელიც მთავრობამ შეიმუშავა, იყო კონსულტაციები საპარლამენტო გუნდთანაც და დიდი იმედი გვაქვს, თქვენთან ერთად ჩამოვყალიბდებით იმ პაკეტზე ჩვენი ნაბიჯების, რომელიც საშუალებას მოგვცემს, დავიწყოთ ნდობის აღდგენის პროცესი, გავააქტიუროთ ეკონომიკური მიმოქცევა და პარლალეურად ამისა, ვდგამთ  ნაბიჯებს საერთაშორისო მასშტაბით.

სიტუაცია ოკუპირებულ ტერიტორიებზე არის ძალიან საგანგაშო, არის საგანგაშო, რა თქმა უნდა, ეთნიკური ქართველების უფლებების დარღვევის კუთხითაც, მაგრამ არის საგანგაშო ნამდვილად თვითონ აფხაზეთისთვის და აფხაზებისათვის, მათი თვითმაყოფადობის შენარჩუნების კუთხით და ოსებისთვისაც და მილიტარიზაცია ამ რეგიონში მიდის შეუქცევად.ეს არის ყველაზე დიდი იარა საქართველოს სხეულზე და ერთად ამ იარას აუცილებლად ვუმკურნალებთ“,-განაცხადა კვირიკაშვილმა პარლამენტის რიგგარეშე სესიის პლენარულ სხდომაზე.

ავტორი: ,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს