დღეს, თბილისის დროით 14:00 საათზე, კიევში, შევჩენკოს პარკთან, მიხეილ სააკაშვილი მხარდამჭერებთან ერთად აქციას გამართავს.

საქართველოს მესამე პრეზიდენტმა უკრაინელებს მოუწოდა,  დაგეგმილ მარშში მონაწილეობა მიიღონ.

 ამის შესახებ სააკაშვილი Facebook-ის საკუთარ გვერდზე წერს.

როგორც სააკაშვილმა განმარტა, "იმპიჩმენტის მარში" აუცილებელია იმისათვის, რომ ქვეყანამ "კატასტროფა აირიდოს და ხელისუფლებამ ბოლო ფატალური ნაბიჯი არ გადადგას".

სააკაშვილმა ასევე მარშის ძირითადი მოთხოვნები ჩამოთვალა:

"ქვეყანას ოლიგარქები არ უნდა მართავდნენ; ხელისუფლებამ უარი უნდა თქვას კორუფციულ სქემებზე; უნდა შეწყდეს პოლიტიკური რეპრესიები; უნდა გადადგეს გენერალური პროკურორი; უნდა შეიქმნას ანტიკორუფციული სასამართლო; იმპიჩმენტის მექანიზმებიც უნდა შეიქმნას. ამ ყველაფერთან ერთად, არ შეიძლება პუტინს მივცეთ საშუალება, რომ შექმნილი ვითარებით ისარგებლოს. ქვეყანას არ შევარყევთ, ხოლო "ჯიხურს" აუცილებლად. სწორედ ამ მიზეზით გავდივართ ხვალინდელ მარშზე. და ბოლოს, თუ დიქტატურის შესაჩერებლად საჭირო გახდება ჩემი თავისუფლება და სიცოცხლეც კი, მზად ვარ ისინი დავთმო. ბოლომდე ვიბრძლებ, გამარჯვებამდე", - წერს პოლიტიკოსი.

ავტორი: ,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან