ევროკავშირი მოელის, რომ ნებისმიერი რეაქცია ამერიკის გადაწყვეტილებასთან მიმართებაში, რომელიც იერუსალიმს შეეხება, იქნება მშვიდობიანი, - ამის შესახებ ევროკავშირის უმაღლესმა წარმომადგენლმა საგარეო პოლიტიკისა და უსაფრთხოების საკითხებში ფედერიკა მოგერინიმ განაცხადა.

ინფორმაციას AFP ავრცელებს.

მოგერინის თქმით, ევროკავშირი მიიჩნევს, რომ არსებულ სიტუაციაში მას აქვს ხმის უფლება, როგორც პალესტინელების უდიდეს დონორსა და ისრაელის საუკეთესო სავაჭრო პარტნიორს.

"ყველაზე ცუდი, რაც შეიძლება მოხდეს იერუსალიმში, რელიგიური სიწმინდეების მიმდებარე ტერიტორიაზე დაძაბულობის ესკალაციაა. ის რაც ხდება იერუსალიმში, მთელი რეგიონისა და მთელი მსოფლიოსთვის მნიშვნელოვანია. მოვუწოდებთ ორივე მხარეს, პასუხისმგებლიანი და მშვიდობიანი რეაქცია ჰქონდეთ. ესკალაცია, დაძაბულობა და ძალადობა სიტუაციას უფრო გაართულებს", - განაცხადა ფედერიკა მოგერინიმ.

ამასთან, მოგერინი პალესტინური ტერორისტული ორგანიზაცია „ჰამასის“ ლიდერის ისმაილ ხანიას განცხადებასაც გამოეხმაურა.

"რაც შეეხება "ჰამასის" ლიდერის რეაქციას, მოველით, რომ ყველა დემონსტრაცია და ნებისმიერი რეაქცია იქნება მშვიდობიანი", - დასძინა მოგერინიმ.

ცნობისთვის, "ჰამასმა" პალესტინელებს ახალი ამბოხისკენ (ინტიფადა) მოუწოდა.

ვითარება იერუსალიმში - პირდაპირი ეთერი

ავტორი: ,

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის