საქართველოს ოფიციალური ვიზიტით რუმინეთის შეიარაღებული ძალების გენერალური შტაბის უფროსი, გენერალი ნიკოლაი იონელ ჩიუკა ესტუმრა.

თავდაცვის სამინისტროს ინფორმაციით,  რუმინელ კოლეგას საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ უმასპინძლა.

დახვედრის ოფიციალური ცერემონიალის დასრულების შემდეგ, რუმინელმა გენერალმა თავდაცვის უწყების შთაბეჭდილებების წიგნში ჩანაწერი დატოვა.

ოფიციალური ვიზიტის ფარგლებში, გენერალურ შტაბში ქართველ და რუმინელ კოლეგებს შორის ორმხრივი შეხვედრა გაიმართა, რის შემდეგაც მედიისთვის ერთობლივი განცხადებები გაკეთდა.

გენერლებმა ორ ქვეყანას შორის სამხედრო თანამშრომლობის მიმდინარე საკითხები და სამომავლო გეგმები განიხილეს.

მათ ასევე, მრავალეროვნულ სამხედრო სწავლებებში ერთობლივ მონაწილეობაზე ისაუბრეს.

საქართველოსა და რუმინეთის გენერალური შტაბის უფროსებმა სამხედრო განათლების კუთხით თანამშრომლობასა და სხვადასხვა მიმართულებით გამოცდილების გაზიარებაზეც გაამახვილეს ყურადღება.

რუმინეთის გენერალური შტაბის უფროსი გმირთა მოედანზეც იმყოფებოდა.

გენერალმა ნიკოლაი იონელ ჩიუკამ საქართველოს ტერიტორიული მთლიანობისთვის დაღუპული ქართველი გმირების ხსოვნას წუთიერი დუმილით პატივი მიაგო და მემორიალი გვირგვინით შეამკო.

(NS) 

ავტორი: ,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს