უკრაინის პრეზიდენტის წარმომადგენელი: პოროშენკო სააკაშვილის დაკავებაში არ ერევა

2017-12-05 15:07:39, 1954 ნახვა

მსოფლიო

უკრაინის პარლამენტში პრეზიდენტის წარმომადგენლის ირინა ლუცენკოს განცხადებით, პეტრო პოროშენკო საქართველოს მესამე პრეზიდენტის მიხეილ სააკაშვილის დაკავებასთან დაკავშირებულ სიტუაციაში არ ერევა, - ამის შესახებ Ria იუწყება,

როგორც ლუცენკომ აღნიშნა, უკრაინის პრეზიდენტი ძალოვანი უწყებების ქმედებების სისწორეში დარწმუნებულია.

„აღნიშნულ სიტუაციაში პრეზიდენტი პეტრო პოროშენკო სრულიად ეყრდნობა ძალოვნების ქმედებებსა და დასკვნებს. სხვა სახის ჩარევაზე საუბარი არ არის, რადგან პრეზიდენტი კონსტიტუციის გარანტია. ის ვერ ჩაერევა ძალოვანი უწყებების ქმედებებში“, - განაცხადა ირინა ლუცენკომ.

შეგახსენებთ, უკრაინის უსაფრთხოების სამსახურმა საქართველოს ყოფილი პრეზიდენტი, ოდესის ოლქის ყოფილი გუბერნატორი მიხეილ სააკაშვილი დააკავა. მას დანაშაულებრივ ჯგუფებთან თანამშრომლობას და დანაშაულის დაფარვას ედავებიან.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები