სასტუმრო ,,ლეოგრანდში" ხანძრის შედეგად დაზარალებული ადამიანები აჭარის მთავრობის თავმჯდომარემ საქართველოს შრომის, ჯანმრთელობისა და სოციალური დაცვის  მინისტრთან დავით სერგეენკოსთან ერთად საავადმყოფოში მოინახულა.

დავით სერგეენკო ბათუმში დაზარალებულების მდგომარეობის გასაცნობად დღეს ჩამოვიდა. ხელისუფლების წარმომადგენლებთან ერთად ასევე იმყოფებოდა აჭარის უმაღლესი საბჭოს თავმჯდომარე დავით გაბაიძე, ქალაქ ბათუმის მერი ლაშა კომახიძე და აჭარის ჯანმრთელობისა და სოციალური დაცვის  მინისტრი ზაალ მიქელაძე. 

ზაალ მიქელაძემ მინისტრს დაშავებული ადამიანების შესახებ მიაწოდა ინფორმაცია. ზურაბ პატარაძემ კიდევ ერთხელ გამოხატა ღრმა მწუხარება  მომხდარის გამო და დაშავებულებს მალე გამოჯანმრთელება უსურვა.

სასტუმრო "ლეოგრანდში" გუშინ მომხდარი ხანძრის შედეგად, ბათუმის სამედიცინო დაწესებულებებში მკურნალობის კურსს ამ დროისთვის დაშავებული ოთხი პაციენტი გადის. აქედან, ორი პაციენტი ბათუმის საერთაშორისო ჰოსპიტალშია მოთავსებული, ორი პაციენტი კი კლინიკა "მედცენტრში". 

ხანძრის შედეგად კლინიკებს ჯამში 21-მა პაციენტმა მიმართა. 17-მა მათგანმა სამედიცინო დაწესებულება უკვე დატოვა. მათი ჯანმრთელობის მდგომარეობა სტაბილურია.

(NS)

ავტორი: ,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ